امریکہ کے سفارت خانوں پر پرتشدد مظاہروں کے بعد امریکہ کا پشاور قونصل خانہ مستقل بند کرنے کا فیصلہ

شیعیت نیوز : پاکستان میں امریکہ کے سفارت خانوں پر پرتشدد مظاہروں کے بعد حکومت نے سخت قدم اٹھاتے ہوئے پشاور میں امریکی قونصل خانے کو مستقل طور پر بند کرنے کا فیصلہ کر لیا۔

مظاہرین نے دعویٰ کیا تھا کہ پاکستان میں امریکی مفادات کو نقصان پہنچایا جائے گا، اور اس دوران ملک بھر میں کم از کم 40 مظاہرین شہید جبکہ 50 سے زائد گرفتار ہوئے۔

مظاہروں اور سفارتی اقدامات کے بعد پاکستان میں سکیورٹی ہائی الرٹ ہے، شہری شدید خدشات میں مبتلا ہیں اور بین الاقوامی توجہ پاکستان کی جانب مرکوز ہو گئی ہے۔

یہ بھی پڑھیں : نیتن یاہو ہولوکاسٹ کے بعد اسرائیل کے لیے سب سے بڑی آفت بن چکے ہیں، رجب طیب اردوان

امریکی محکمۂ خارجہ نے اعلان کیا ہے کہ وہ پاکستان کے شہر پشاور میں اپنا قونصل خانہ مستقل طور پر بند کر دے گا، جو افغان سرحد کے قریب امریکہ کا سب سے اہم سفارتی مرکز رہا ہے اور 2001 میں افغانستان پر حملے سے قبل، دوران اور بعد میں اہم آپریشنز اور لاجسٹکس کے لیے استعمال ہوتا رہا۔

محکمۂ خارجہ نے اس ہفتے کانگریس کو قونصل خانہ بند کرنے کے ارادے سے آگاہ کیا۔

نوٹیفکیشن کے مطابق پشاور قونصل خانے میں 18 امریکی سفارتکار اور دیگر سرکاری اہلکار جبکہ 89 مقامی عملہ کام کر رہا ہے۔ بند کرنے پر تقریباً 3 ملین ڈالر خرچ ہوں گے، جن میں سے 1.8 ملین ڈالر اس وقت استعمال ہونے والے عارضی دفتر کے طور پر کام آنے والے آرمورڈ ٹریلرز کی منتقلی پر خرچ ہوں گے۔