ہتھیار ڈالنے کا وعدہ کبھی نہیں کیا، غزہ پر کنٹرول ہمارا ہے، حماس کا ٹرمپ کو جواب

شیعیت نیوز : حماس کا ٹرمپ کو کھلا جواب: ہم نے کبھی ہتھیار ڈالنے پر رضامندی نہیں دی، غزہ پر کنٹرول ہمارا ہے

فلسطینی تحریک مزاحمت حماس کے رہنما موسیٰ ابو مرزوق نے قطر کے نشریاتی ادارے الجزیرہ ٹیلی ویژن کو دیے گئے ایک انٹرویو میں امریکی صدر ڈونلڈ ٹرمپ کے بیان کا سخت جواب دیتے ہوئے کہا ہے کہ حماس نے کسی بھی شکل میں اپنے ہتھیار سونپنے پر کبھی اتفاق نہیں کیا۔

انہوں نے کہا: "حماس نے جنگ ختم کرنے کے لیے ایک فریم ورک منصوبے پر اتفاق کیا ہے۔ ہتھیار سونپنے کا معاملہ سرے سے زیر بحث ہی نہیں آیا۔”

یہ بھی پڑھیں : انقلاب اسلامی کا جھنڈا ظہور تک سربلند رہے گا، ایرانی بحریہ کمانڈر کا دہائی فجر پیغام

ابو مرزوق نے مزید زور دیا کہ غزہ پٹی میں کیے جانے والے تمام منصوبہ بند انتظامات حماس کی رضامندی سے ہی ہونے چاہئیں۔ انہوں نے واضح کیا کہ غزہ پر کنٹرول اور فیصلہ سازی کا حق فلسطینی قوم اور مزاحمتی تحریک کے پاس ہے، نہ کہ کسی بیرونی طاقت کے پاس۔

یہ انٹرویو امریکی صدر ڈونلڈ ٹرمپ کے اس بیان کے دو دن بعد سامنے آیا ہے جس میں انہوں نے حماس پر زور دیا تھا کہ وہ "ہتھیار ڈالنے کا وعدہ” پورا کرے۔ حماس نے اس بیان کو یکسر مسترد کرتے ہوئے اپنے موقف کو مزید واضح کر دیا ہے۔