ریاض میں اہم پیش رفت: ایران اور سعودی عرب کے اعلیٰ حکام کی خفیہ ملاقات

شیعیت نیوز: ایران اور سعودی عرب کے اعلیٰ حکام کے درمیان ریاض میں ملاقات ہوئی جس میں باہمی تعلقات اور خطے کی تازہ ترین صورتحال پر تبادلہ خیال کیا گیا۔

تفصیلات کے مطابق، سعودی عرب کی وزارتِ خارجہ نے اطلاع دی ہے کہ ایرانی سفیر علی رضا عنایتی اور سعودی عرب کے نائب وزیرِ خارجہ برائے سیاسی امور سعود الساتی کے درمیان ملاقات ہوئی، جس میں دونوں ملکوں کے دوطرفہ تعلقات اور انہیں مزید مضبوط بنانے کے راستوں پر گفتگو کی گئی۔

یہ بھی پڑھیں: امریکہ کی نئی چالبازیوں سے دھوکہ نہیں کھائیں گے، عراقی رکن پارلیمنٹ

سعودی وزارتِ خارجہ کے مطابق، ملاقات میں علاقائی صورتحال، باہمی تعاون کے شعبے اور مشترکہ مفادات کی روشنی میں تعلقات کو فروغ دینے کی تجاویز پر تفصیلی بات چیت ہوئی۔