قطر کا اسرائیل کو دو ٹوک جواب: حملے کو ہرگز نظر انداز نہیں کریں گے

شیعیت نیوز : اسرائیلی حملے کے بعد اپنی پہلی پریس کانفرنس میں قطری وزیراعظم نے کہا کہ وہ اسرائیلی حملے کے جواب کا حق محفوظ رکھتے ہیں۔ انہوں نے اسرائیل کو پیغام دیا کہ ان کا ملک اس واقعے کو ہرگز نظر انداز نہیں کرے گا۔

انہوں نے کہا کہ وہ محض بیانات اور مذمتوں سے آگے بڑھ کر ردعمل دینے کے تمام ذرائع بروئے کار لا رہے ہیں اور اس سلسلے میں ایک قانونی ٹیم بھی تشکیل دی جا رہی ہے تاکہ اسرائیل کو جوابدہ ٹھہرایا جا سکے۔

قطر کے وزیراعظم شیخ محمد نے کہا: "ہمارا یقین ہے کہ آج ہم ایک فیصلہ کن موڑ پر پہنچ گئے ہیں اور ایسی بربریت پر مشتمل اقدامات کے خلاف پورے خطے سے جواب آنا چاہئے۔”

یہ بھی پڑھیں : آیت اللہ العظمیٰ نوری ہمدانی سے سید عمار حکیم کی ملاقات، پیغمبر اکرمﷺ اور امام جعفر صادقؑ کی ولادت پر مبارکباد

انہوں نے مزید کہا کہ یہ واقعہ پورے خطے کو انتشار کی جانب دھکیل رہا ہے اور اسرائیلی وزیراعظم پورے خطے کو افراتفری میں مبتلا کر رہے ہیں۔

وزیراعظم نے کہا کہ حملے کا وقت اس اجلاس سے جڑا تھا جس میں حماس کی مذاکراتی ٹیم امریکی تجاویز پر بات کر رہی تھی تاکہ غزہ جنگ بندی کے معاہدے تک پہنچا جا سکے لیکن اسرائیل نے اس عمل کو سبوتاژ کر دیا۔

واضح رہے کہ اسرائیل نے قطر کے دارالحکومت دوحا پر فضائی حملہ کر کے فلسطین کی مزاحمتی تنظیم حماس کی مرکزی قیادت کو نشانہ بنایا تھا۔