پاکستان میں سیلاب، ہلاکتوں کی تعداد 300 سے تجاوز
خیبرپختونخواہ میں سیلابی تباہی؛ باجوڑ میں ریسکیو ہیلی کاپٹر حادثہ، 5 افراد جاں بحق
شیعیت نیوز : پاکستانی ذرائع صوبہ خیبرپختونخواہ میں شدید بارشوں کے باعث غیر معمولی تباہی کی اطلاع دے رہے ہیں جس نے لاکھوں لوگوں کی زندگیوں کو بری طرح متاثر کیا ہے۔
گزشتہ روز سیلاب زدہ علاقے باجوڑ میں ایک ریسکیو ہیلی کاپٹر گر کر تباہ ہو گیا تھا جس میں 2 پائلٹ اور 3 دیگر مسافر جاں بحق ہو گئے۔ اس واقعے کے بعد صوبہ خیبرپختونخوا میں آج ایک روزہ عوامی سوگ کا اعلان کیا گیا ہے۔
یہ بھی پڑھیں : پاکستان میں سیلاب زدگان کی مدد کے لیے تیار ہیں؛ ایران
نیشنل ڈیزاسٹر مینجمنٹ اتھارٹی آف پاکستان نے بتایا کہ گزشتہ 48 گھنٹے میں بارشوں اور سیلاب سے مرنے والوں کی تعداد 320 تک پہنچ گئی ہے جبکہ درجنوں دیگر زخمی اور سینکڑوں بے گھر ہو گئے ہیں۔ سب سے زیادہ ہلاکتیں بونیر کے علاقے میں ہوئی ہیں۔
پاکستانی حکام نے صورتحال مزید خراب ہونے کا انتباہ دیا ہے۔
صوبہ خیبرپختونخوا میں بگڑتی ہوئی صورتحال نے وزیرِ اعظم کو ہنگامی اجلاس بلانے پر مجبور کر دیا اور فوج کو بحران سے نمٹنے اور حکومت کی مدد کے لیے چوکس کر دیا گیا ہے۔
