دفتر آیت اللہ سیستانی کا بیان: اربعین میں تصاویر آویزاں کرنے سے گریز کیا جائے
مرجعیت کا پیغام: شعائرِ اربعین کو سادگی، اخلاص اور غیر شخصی رنگ میں محفوظ رکھا جائے
شیعیت نیوز : مرجع تقلید آیت اللہ العظمیٰ سید علی سیستانی کے دفتر نے ایک بیان میں اربعین کے موقع پر زائرین کی رفت و آمد والے مقامات پر ان کی تصاویر آویزاں کرنے پر اعتراض کرتے ہوئے تمام سیاسی و خدماتی اداروں سے اپیل کی ہے کہ اس اقدام سے مکمل طور پر اجتناب کریں۔
اعلامیے میں واضح کیا گیا ہے کہ حالیہ ایام میں بعض اداروں نے حضرت آیت اللہ سیستانی کی تصاویر بینروں اور پوسٹروں پر شائع کرکے عوامی راستوں، خصوصاً کربلا کی جانب جا رہے راستوں پر نصب کی ہیں، جس پر دفتر مرجعیت کو اعتراض ہے۔
یہ بھی پڑھیں : کربلا صرف تاریخ نہیں، بلکہ سچائی اور استقامت کا عالمی پیغام ہے، مولانا معروفی
دفتر کی جانب سے کہا گیا ہے: "ہم ایک بار پھر اس عمل سے اپنی مخالفت کا اظہار کرتے ہیں اور تمام متعلقہ اداروں سے پرزور مطالبہ کرتے ہیں کہ اس اقدام سے پرہیز کریں اور ضروری روک تھام کے اقدامات عمل میں لائیں۔”
یہ اعلامیہ ۸ صفر ۱۴۴۷ھ، مطابق ۳ اگست ۲۰۲۵ء کو جاری کیا گیا۔
مرجع عالی قدر کی سادگی، اخلاص اور غیر شخصی دینی قیادت کے تسلسل میں، یہ بیان اربعین کے شعائر کو خالص اور با مقصد رکھنے کی ایک اہم ہدایت کے طور پر دیکھا جا رہا ہے۔
