تل ابیب میں جنگ کے خلاف مظاہرے، صہیونی پولیس کا کریک ڈاؤن

شیعیت نیوز: غزہ میں مظلوم فلسطینیوں پر نتن یاہو حکومت کی جانب سے بڑھتے ہوئے مظالم اور غذائی قلت کے خلاف اسرائیل کے اندر عوامی بے چینی میں اضافہ ہو رہا ہے۔ صہیونی پولیس نے ان مظاہرین کے خلاف کریک ڈاؤن کیا جو غزہ پر جاری جنگ کے خلاف سڑکوں پر نکلے تھے۔

تفصیلات کے مطابق یہ مظاہرے تل ابیب میں اس وقت شدت اختیار کر گئے جب ہزاروں یہودی آبادکاروں نے جنگ کے خاتمے اور قیدیوں کے تبادلے کا مطالبہ کیا۔

یہ بھی پڑھیں: قسام بریگیڈ کا بڑا حملہ: جبالیا میں صہیونی مرکاوا ٹینک تباہ

رپورٹ کے مطابق، مظاہرین میں بڑی تعداد ان اسرائیلی یرغمالیوں کے اہل خانہ کی تھی، جو غزہ میں حماس کے قبضے میں ہیں۔ مظاہرین نے وزیر اعظم نتن یاہو سے مطالبہ کیا کہ جنگ فوری طور پر بند کی جائے اور قیدیوں کو آزاد کرایا جائے۔

صہیونی پولیس نے حسب معمول مظاہرے کو طاقت سے کچل دیا اور مظاہرین کو منتشر کرنے کے لیے سخت اقدامات کیے، جن میں گرفتاریوں اور تشدد بھی شامل ہیں۔