ایم ڈبلیو ایم کا غزہ پر اسرائیلی مظالم کے خلاف کراچی میں زبردست احتجاج

شیعیت نیوز : مجلس وحدت مسلمین کراچی ڈویژن کی جانب سے غزہ کے مظلومین کی حمایت اور غاصب اسرائیل کے خلاف خوجہ اثنا عشری جامع مسجد کھارادر کے باہر، گزشتہ دنوں نمازِ جمعہ کے بعد زبردست احتجاجی مظاہرہ کیا گیا۔ اس موقع پر نمازیوں نے کثیر تعداد میں شرکت کی۔

احتجاجی مظاہرے سے خطاب کرتے ہوئے صوبائی صدر علامہ سید باقر عباس زیدی نے کہا کہ غزہ کی عوام پر انسانیت سوز مظالم کا سلسلہ تاحال جاری ہے، غاصب اسرائیلی بمباری کے بعد اب انہیں بھوک و قحط سے مارا جا رہا ہے۔ عالمی برادری بالخصوص اقوامِ اسلام اور پڑوسی ممالک کی ذمہ داری ہے کہ غزہ کے مظلومین کی امداد کو یقینی بنانے کے لیے عملی اقدامات کریں۔

یہ بھی پڑھیں : پاکستانی حکومت کے ان اقدامات کے پیچھے کون؟

انہوں نے کہا کہ غزہ کے مسلمان سالوں سے عالمِ اسلام کی جنگ لڑ رہے ہیں۔ اگر غاصب اسرائیل فلسطین پر مکمل طور پر قابض ہو جائے تو پھر وہ دوسرے اسلامی ممالک کا بھی رخ کرے گا۔ اس لیے ضروری ہے کہ عالمِ اسلام اور عرب ممالک امریکی کاسہ لیسی چھوڑ کر اپنے مسلمان بھائیوں کی مدد کی ہر ممکن کوشش کریں۔

احتجاجی مظاہرے میں ایم ڈبلیو ایم کراچی ڈویژن کے رہنما علامہ مبشر حسن، صوبائی رہنما ناصر الحسینی، فلسطین فاؤنڈیشن پاکستان کے جنرل سیکریٹری ڈاکٹر صابر ابو مریم، تحریکِ بیداری امت مسلمہ کے رہنما یاور عباس اور دیگر رہنما بھی موجود تھے۔

مقررین نے امریکہ کی مسلم ممالک کو ابراہیم اکارڈ معاہدے پر زبردستی حمایت کروانے کی دھمکیوں کی شدید مذمت کی۔

مظاہرین نے امریکہ اور اسرائیل مردہ باد کے نعرے لگائے۔

احتجاجی مظاہرے کے اختتام پر امریکی و اسرائیلی پرچم بھی نذر آتش کیے گئے۔