ایران نے معاہدے کی کوئی خلاف ورزی نہیں کی، ڈونلڈ ٹرمپ نے حماقت کی، امریکی سابق وزیر خارجہ

شیعیت نیوز : امریکہ کے سابق وزیر خارجہ انتھونی بلینکن نے اعتراف کیا ہے کہ ایران 2015 کے جوہری معاہدے پر عمل کر رہا تھا۔

اس معاہدے کی خلاف ورزی صدر ڈونلڈ ٹرمپ نے کی۔

سی این این سے گفتگو کرتے ہوئے انہوں نے کہا کہ ہمیں واضح طور پر کہنا چاہیے کہ ایران معاہدے پر عمل کر رہا تھا۔

نہ صرف بین الاقوامی معائنہ کاروں نے اس کی تصدیق کی بلکہ ہماری اپنی انٹیلی جنس رپورٹس بھی یہی بتا رہی تھیں۔

ایران کو جوہری معاہدے کے تحت 3.67 فیصد تک یورینیم کی افزودگی کی اجازت تھی اور وہ اسی دائرے میں کام کر رہا تھا۔

یہ بھی پڑھیں : 12 روزہ جنگ میں اسرائیل کی رہی سہی عزت بھی خاک میں مل گئی، ایرانی صدر

جب ہم نے معاہدہ ختم کردیا تو ایران کے پاس یہ حق تھا کہ وہ اپنی جوہری ٹیکنالوجی کو ترقی دے۔

آج وہ اپنی تنصیبات کو اتنے گہرے مقامات پر بنا سکتا ہے کہ انہیں فوجی حملے سے تباہ نہیں کیا جا سکتا۔

انہوں نے زور دیا کہ فوجی آپشن پائیدار حل نہیں ہوسکتا۔

ہمیں ایک ایسا سفارتی راستہ اپنانا ہوگا جو زیادہ قابل تصدیق، طویل مدتی اور نتیجہ خیز ہو۔