ایرانی قوم جذبہ شہادت سے سرشار ہے، اسرائیل گھٹنے ٹیک دے گا، صدر سنی تحریک پاکستان

شیعیت نیوز : پاکستان سنی تحریک کے صدر صاحبزادہ علامہ بلال عباس قادری نے ایران پر اسرائیل کے حملے کے حوالے سے گفتگو کرتے ہوئے کہا کہ کفار امت مسلمہ کو دبانے کے لیے اوچھے ہتھکنڈے استعمال کر رہے ہیں۔

اسرائیل نے ایران پر جوہری پروگرام کا جواز بنا کر حملہ کیا ہے، ایران پر حملہ کرنے کے بعد اسرائیل کو پتہ چل گیا ہے کہ کسی کی شرافت کا ناجائز فائدہ نہیں اٹھانا چاہیئے۔

ایران نے اسرائیل پر اتنے حملے کیے ہیں کہ اسرائیل حواس باختہ ہو چکا ہے۔

ایران اسرائیل کا وہ حال کرے گا کہ اسرائیل نقل مکانی کرنے پر مجبور ہو جائے گا۔

ایران کے میزائل حملوں کے بعد اسرائیل بھونک رہا ہے مجھے بچا مجھے بچا۔

اسرائیلی وزیر اعظم نے دھمکی دی ہے کہ ایران کو بھاری قیمت چکانا پڑے گی۔

یہ اسرائیل کی بھول ہے قیمت کس سے چکانا پڑے گی یہ وقت فیصلہ کرے گا۔

یہ بھی پڑھیں : ملی یکجہتی کونسل پاکستان کے وفد کی سفیر ایران رضا امیری مقدم سے ملاقات

بلال عباس قادری کا مزید کہنا تھا کہ شہادت کے جذبے سے سرشار ایران اسرائیل کو گھٹنے ٹیکنے پر مجبور کر دے گا۔

امریکی صدر ٹرمپ بھی اب کھل کر سامنے آگیا ہے، تمام امت مسلمہ کو جاگنا ہوگا۔

ایران کے حملوں سے گھبرا کر اسرائیل نے اپنے شہریوں سے کہا ہے کہ وہ محفوظ مقامات پر منتقل ہو جائیں۔

اسرائیل کا یہ بیان امت مسلمہ کی جیت ہے۔

اسرائیل پر ایرانی حملوں میں تیزی آجانے کے بعد اقوام متحدہ کے حکام نے خدشہ ظاہر کیا ہے کہ موجودہ حالات میں مشرق وسطیٰ نئی اور خطرناک کشیدگی کا شکار ہو سکتا ہے۔

یہ بھی کفار کی ایک سازش ہے تاکہ امت مسلمہ کو ایک پلیٹ فارم پر جمع ہونے سے روک سکیں۔