اسرائیل سے تمام تر تجارتی معاہدے معطل کئے جائیں، کینیڈا اپوزیشن کا مطالبہ

شیعیت نیوز : غزہ میں فلسطینیوں پر صہیونی حکومت کے بڑھتے مظالم کی وجہ سے مختلف ممالک میں تل ابیب کے خلاف احتجاج بڑھ رہا ہے۔

کینیڈا کی اپوزیشن جماعت نیو ڈیموکریٹک پارٹی نے حکومت سے مطالبہ کیا ہے کہ فلسطینیوں کے خلاف اقدامات کے باعث اسرائیلی وزیر اعظم نتن یاہو پر پابندیاں عائد کی جائیں اور اسرائیل کے ساتھ آزادانہ تجارتی معاہدے کو معطل کردیا جائے۔

غزہ میں فلسطینی عوام کا محاصرہ، امدادی سامان کی ترسیل میں رکاوٹ، بمباری، فائرنگ اور انسانوں کے جانوروں جیسا سلوک اخلاقی اصولوں اور بین الاقوامی قوانین کی کھلی خلاف ورزی ہے۔

نیتن یاہو اور ان کی کابینہ جنگی مجرم ہیں اور انہیں انصاف کے کٹہرے میں لایا جانا چاہیے۔

رواں ہفتے کینیڈا نے فرانس اور برطانیہ کے ساتھ مل کر غزہ کے محاصرے اور مغربی کنارے میں صیہونی آبادکاری کی توسیع کی مذمت کی ہے۔

یہ بھی پڑھیں : شہید ابراہیم رئیسی کے کارنامے تاریخ میں ہمیشہ یاد رکھے جائیں گے، ایرانی صدر

تینوں ممالک نے عندیہ دیا ہے کہ اگر صورت حال نہ بدلی تو اسرائیل کے خلاف پابندیاں عائد کرنے کے علاوہ مخصوص اقدامات کیے جاسکتے ہیں۔

جب ہزاروں فلسطینی شہری قتل ہوچکے ہیں اور ہزاروں مزید فاقہ کشی کا شکار ہیں، تو صرف مذمتی بیانات بے معنی ہیں۔

یورپی یونین اور برطانیہ اسرائیل کے ساتھ اپنے تجارتی تعلقات پر نظر ثانی کررہے ہیں۔

کینیڈا کو بھی یہی راستہ اختیار کرتے ہوئے اسرائیل کے ساتھ آزاد تجارتی معاہدے کو معطل کر دینا چاہیے۔