جامعۃ المصطفیٰ پاکستان کے تحت حوزات علمیہ کے طلبہ کے درمیان شاندار علمی اولمپیاڈ

شیعیت نیوز : جامعۃ المصطفیٰ العالمیہ، پاکستان کے زیر اہتمام پاکستان بھر کے شیعہ حوزاتِ علمیہ کے درمیان ایک علمی اولمپیاڈ منعقد ہوا، جس میں تین ہزار سے زائد طلبہ و طالبات نے شرکت کی۔

جامعہ المصطفیٰ پاکستان میں تعلیمی امور کے سربراہ حجۃ الاسلام ڈاکٹر غلام جابر محمدی نے اس عظیم الشان علمی مقابلے کے انعقاد پر خوشی کا اظہار کرتے ہوئے کہا کہ یہ مقابلہ حوزات علمیہ کے ذمہ داران، اساتذہ اور منتظمین کی جانب سے بھرپور پذیرائی حاصل کرنے میں کامیاب رہا۔

یہ بھی پڑھیں: بحریہ ٹاؤن کراچی میں شیعہ دشمنی، علم حضرت عباسؑ زبردستی اتار دیئے گئے

حجۃ الاسلام ڈاکٹر غلام جابر محمدی کا کہنا تھا کہ ایسے علمی اولمپیاڈز منعقد کرنے کا مقصد پاکستان کے دینی طلبہ میں علمی صلاحیتوں کو پہچاننا، باصلاحیت افراد کی علمی ترقی و ارتقاء اور ان کی حوصلہ افزائی کرنا ہے۔

انہوں نے کہا کہ علمی اولمپیاڈز حوزاتِ علمیہ کی علمی بنیادوں کو مضبوط کرنے میں اہم کردار ادا کرتے ہیں اور پاکستانی طلبہ کی بین الاقوامی علمی سرگرمیوں میں مؤثر شرکت کی راہ ہموار کریں گے۔

قابل ذکر ہے کہ یہ مقابلے مختلف سطحوں پر منعقد کیے گئے اور ان میں منتخب نمایاں افراد کو اعلیٰ علمی مراحل اور ملک و بیرونِ ملک خصوصی کورسز میں شرکت کے لیے متعارف کرایا جائے گا۔