رفیقِ شہید قائد، انجینئر سید ممتاز حسین رضوی کو جھوٹے الزام میں 14 سال قید

شیعیت نیوز : ریاستی اداروں کا ایک اور ظالمانہ اقدام، عزیز و شاگرد سفیر انقلاب شہید ڈاکٹر محمد علی نقویؒ کا سرمایہ ملت، جو گمنام رہنے کو ترجیح دیتے ہیں، ایسے لوگ جنہوں نے ہجرت سے زیادہ ظلم کے سامنے کھڑے رہنے کو سعادت سمجھا۔ ایسے کئی مواقعوں کو ٹھکرایا جن سے آسانی سے کسی دوسرے ملک جاکر بہترین زندگی گزار سکتے تھے، انجینئر سید ممتاز حسین رضوی کو آج ریاست پاکستان نے ایک جھوٹے الزام میں 14 سال کی قید سنا دی۔

ذرائع کے مطابق، انجینئر سید ممتاز حسین رضوی جو کہ پہلے بھی دو تین مرتبہ جبری طور پر طویل گمشدگی کا شکار رہے ہیں، چند ماہ قبل ہی بازیاب ہوئے تھے۔ آج سرگودھا کی سیشن عدالت نے بعد از ضمانت کیس کی سماعت کے دوران انہیں 14 برس قید کی سزا سنا دی ہے۔

انجینئر سید ممتاز حسین رضوی کے خاندانی ذرائع کے مطابق، چند ماہ قبل لاہور ہائی کورٹ نے ان کی ضمانت منظور کی تھی اور آج لوئر کورٹ نے سزا سنا دی ہے۔ اس ظالمانہ فیصلے کو لاہور ہائی کورٹ میں چیلنج کیا جائے گا اور فیصلہ واپس کروایا جائے گا۔

یہ بھی پڑھیں: تحریک لبیک کے ہاتھوں اہل سنت عالم دین اور ان کے خاندان کو اہل بیتؐ سے محبت کے جرم میں مسجد سے نکال دیا گیا

واضح رہے کہ انجینئر ممتاز حسین رضوی فلاحی و سماجی خدمات میں بھی سرگرم رہتے ہیں۔ سندھ اور بلوچستان کے دور دراز پسماندہ علاقوں میں تبلیغی امور بھی انجام دیتے ہیں۔ ان پر انسداد دہشت گردی کی دفعات کے تحت مقدمہ درج کیا گیا تھا اور بارودی مواد برآمد کیے جانے کا جھوٹا الزام عائد کیا گیا ہے۔

انجینئر ممتاز رضوی کے اہل خانہ کا کہنا ہے کہ آج پاکستان کی تاریخ تشیع میں ایک اور سیاہ دن ہے، لیکن ان اسیران اور لاپتہ افراد کی بازیابی کی جدوجہد جاری رکھنی ہے۔ ایک مٹھی بھر امریکہ کی کاسہ لیس انتظامیہ جس کی عوام میں کوئی جڑیں نہیں، اور ان شاء اللہ ان پر عذاب بھی آئے گا۔ ان کی خاطر ہم نہ خدا سے شاکی ہیں نہ پاکستان سے۔