علامہ امین شہیدی کی والدہ کے انتقال پر علامہ راجہ ناصر عباس جعفری کا پیغام تعزیت
علامہ امین شہیدی کی والدہ محترمہ کے انتقال پرملال پر علامہ راجہ ناصر عباس جعفری و دیگر ایم ڈبلیو ایم رہنماؤں کی جانب سے تعزیت کی گئی
شیعیت نیوز : امت واحدہ پاکستان کے سربراہ علامہ محمد امین شہیدی کی والدہ کے انتقال پر ملال پر مجلس وحدت مسلمین پاکستان کے سربراہ علامہ راجہ ناصر عباس جعفری کا اظہار تعزیت۔
وائس چیئرمین علامہ احمد اقبال رضوی، جنرل سیکریٹری سید ناصر شیرازی، صدر مجلس علمائے مکتب اہل بیتؑ علامہ سید حسنین عباس گردیزی و دیگر رہنماؤں نے بھی دلی افسوس اور رنج کا اظہار کیا ہے۔
یہ بھی پڑھیں : سفیر انقلاب شہید ڈاکٹر محمد علی نقوی کی 30ویں برسی 8 مارچ کو لاہور میں منعقد ہوگی
اپنے مشترکہ تعزیتی پیغام میں ایم ڈبلیو ایم رہنماؤں نے کہا ہے کہ علامہ محمد امین شہیدی کی والدہ ماجدہ کے انتقال پرملال پر آپ سمیت تمام سوگوار خانوادہ گرامی کی خدمت میں دلی تعزیت و تسلیت پیش کرتے ہیں۔
غم کی اس عظیم گھڑی میں ہم علامہ امین شہیدی کے دکھ میں برابر کے شریک ہیں اور والدہ مرحومہ کی مغفرت و بلندی درجات کے لیے دعاگو ہیں۔
خدا وند متعال مرحومہ کو جوار حضرت سیدہ زہرا سلام اللہ علیہا میں جگہ عنایت فرمائے اور سب لواحقین کو صبر جمیل عطا فرمائے۔
