ایران واحد ملک ہے جو فلسطینی عوام کی مزاحمت کی حمایت کرتا ہے، نمائندہ فلسطین اسلامی جہاد موومنٹ
ایران کی فلسطین کی مسلح مزاحمت کی حمایت، تاریخ میں سنہری حروف سے لکھا جائے گا

شیعیت نیوز: مہر خبررساں ایجنسی کی رپورٹ کے مطابق، ایران میں فلسطین کی اسلامی جہاد موومنٹ کے نمائندے نے کہا کہ فلسطینی عوام کی حمایت میں ایران کا کردار بہت عظیم ہے۔ ایران واحد ملک ہے جو عملی طور پر فلسطین کی مسلح مزاحمت کی حمایت کرتا ہے جب کہ تمام بین الاقوامی قوانین جبر اور قبضے کے خلاف فلسطینی عوام کے حق مزاحمت کو تسلیم کرتے ہیں۔
یہ بھی پڑھیں: فلسطین کی حمایت میں امریکہ نے انصار اللہ کو دہشت گرد تنظیم قرار دے دیا
لیکن دیگر ممالک نہ صرف فلسطینی عوام کے مزاحمت کے حق کی حمایت نہیں کرتے بلکہ وہ سیدھے اسرائیل کے ساتھ کھڑے ہیں جو فلسطینی سرزمین پر قابض ہے اور فلسطینی عوام کے خلاف ہر قسم کی دہشت گردی کا مرتکب ہو رہا ہے۔
ایران نے نہ صرف فلسطینی عوام کی اخلاقی بلکہ عملی طور پر بھی حمایت کی ہے۔ مزاحمتی مجاہدین کی مسلح تربیت سے لے کر مادی اور روحانی مدد ایران کے علاوہ کسی نے نہیں کی۔
فلسطین اور اس کی مزاحمت کی حمایت ایران کی تاریخ میں سنہری حروف سے لکھی جائے گی اور ایران آج بھی خطے میں مزاحمت کا بنیادی محور ہے۔