شام کے مختلف علاقوں میں عوام اور تکفیری دہشت گردوں کے درمیان جھڑپیں

شیعیت نیوز: شام کے مختلف صوبوں میں عوام اور تکفیری دہشت گردوں کے درمیان جھڑپیں شروع ہو گئی ہیں۔

تفصیلات کے مطابق، تکفیری دہشت گرد گروہ تحریر الشام نے ابتدا میں امن و امان قائم کرنے کے عوامی نعرے بلند کیے، لیکن وقت کے ساتھ یہ واضح ہو گیا کہ ان کے اقدامات عوام اور اقلیتوں کے خلاف ہیں۔

تازہ ترین اطلاعات کے مطابق، تحریر الشام کے دہشت گردوں نے مغربی شام میں عوام کے خلاف بڑے پیمانے پر کارروائیاں شروع کی ہیں، خاص طور پر صوبہ حمص کے ان علاقوں میں جہاں شیعہ آبادی رہائش پذیر ہے۔

یہ بھی پڑھیں: کرم میں تکفیری مار آپریشن جاری، بڑی تعداد میں اسلحہ برآمد

تکفیریوں کی کارروائی کے بعد عوام نے مزاحمت شروع کی ہے اور مختلف علاقوں میں جھڑپیں ہوئی ہیں۔ دہشت گرد گروہ شامی جغرافیائی سرحدوں کی حفاظت کے بجائے بے گناہ شامی عوام پر مظالم ڈھا رہا ہے۔ اسرائیل نے کئی بار شام کے مختلف علاقوں پر حملے کیے ہیں اور جولان کی پہاڑیوں کے قریب شام کی زمین پر قبضہ کرلیا ہے۔ الجولانی اور اس کے گروہ نے اسرائیلی جارحیتوں پر مکمل خاموشی اختیار کی ہوئی ہے۔

شامی ذرائع کے مطابق، صوبہ حلب کے شہر منبج میں ایک کار بم دھماکہ ہوا ہے، جس سے علاقے میں خوف و ہراس پھیل گیا ہے۔