اہم ترین خبریںشام

شام میں تکفیری دہشت گردوں میں عہدوں کی تقسیم پر اختلافات، جولانی گروپ کی قیادت خطرے میں

شامی عوام کے لیے آزادی کا دعویٰ، اندرونی تنازعات نے جولانی کے منصوبوں کو بے نقاب کر دیا

شیعیت نیوز: مہر خبررساں ایجنسی کی رپورٹ کے مطابق، شامی عوام کو آزادی دینے اور ملک کو بحران سے بچانے کے نام پر دمشق پر قبضہ کرنے والے تکفیری دہشت گردوں کے درمیان اقتدار اور عہدوں کی تقسیم کے معاملے پر اختلافات پیدا ہوگئے ہیں۔

تفصیلات کے مطابق، دہشت گرد تنظیم کے سرکردگان کے درمیان مختلف علاقوں میں اہم عہدوں کی تقسیم کے بارے میں شدید اختلافات سامنے آئے ہیں۔ العکیدات قبائل کے سردار شیخ عبدالرزاق العکیدی نے بتایا کہ جولانی کے زیر اثر گروپوں میں یہ اختلافات شدت اختیار کر چکے ہیں، جس کے نتیجے میں بعض سرکردگان نے دہشت گرد گروہ کو چھوڑ دیا ہے۔

یہ بھی پڑھیں: جولانی رجیم کا حرم حضرت زینب (س) سے فوجیوں کا انخلا: محتاط رویے کا مظاہرہ یا دھوکہ دہی کی حکمت عملی؟

العکیدی نے مزید کہا کہ بعض سرکردگان نے خاموشی سے جولانی کی قیادت سے علیحدگی اختیار کر لی ہے کیونکہ وہ جولانی کی جانب سے اہم عہدوں کی تقسیم اور نئی شامی فوج میں ان کو نظرانداز کرنے پر سخت ناراض ہیں۔

انہوں نے بتایا کہ جولانی نے شامی فوج کی آپریشنل کمانڈ میں اہم عہدے ایسے افراد کو دیے ہیں جو پہلے القاعدہ اور داعش جیسی دہشت گرد تنظیموں کے عہدیدار رہ چکے ہیں۔

العکیدی کے مطابق، جولانی کے ماتحت تکفیری عناصر اور شام کے مختلف قبائل کے رہنماؤں کے درمیان اختلافات اس وقت مزید بڑھ گئے جب جولانی نے شامی فوج کے سابق اہلکاروں کو گرفتار کرنا شروع کیا۔ ان افراد نے جولانی گروہ کو دھمکی دی ہے کہ اگر یہ سلسلہ جاری رہا تو وہ مسلح کارروائیاں شروع کردیں گے۔

متعلقہ مضامین

Back to top button