ٹرمپ کی فلسطینیوں کو دھمکیاں، جماعت اسلامی کا مذمتی ملین مارچ کا اعلان

شیعیت نیوز : امیر جماعت اسلامی حافظ نعیم الرحمان نے فلسطینیوں سے اظہار یکجہتی کے لیے 29 دسمبر کو ملین مارچ کا اعلان کردیا۔

منصورہ لاہور میں پریس کانفرنس کرتے ہوئے حافظ نعیم الرحمان کا کہنا تھا کہ ڈونلڈ ٹرمپ کے بیان کی شدید مذمت کرتے ہیں۔

اسرائیل کو امریکا کی پشت پناہی حاصل ہے۔

امریکا لاکھوں مسلمانوں کو قتل کرنے والا ملک ہے۔

اب تک 45 ہزار فلسطینیوں کو اسرائیل قتل کر چکا ہے۔

یہ بھی پڑھیں : شام میں دہشت گرد گروہوں کا دوبارہ فعال ہونا حزب اللہ کی حمایت کا سلسلہ منقطع کرنے کی کوشش ہے، تجزیہ نگار

امریکی نو منتخب صدر ڈونلڈ ٹرمپ کو یہ قتل عام نظر نہیں آرہا، جماعت اسلامی فلسطینیوں کے ساتھ کھڑی ہے۔

امیر جماعت اسلامی کا کہنا تھا کہ چاہتے ہیں عوام متحد ہوکر ملک کی بہتری کیلئے آگے بڑھیں۔

حکومت غیر قانونی اقدامات کرکے عوام کو تقسیم کررہی ہے۔

ملک کے خلاف کسی بھی قسم کی کوئی سازش قابل قبول نہیں۔

ڈونلڈ ٹرمپ نے دھمکی دی کہ صدارت سنبھالنے تک تمام اسرائیلی یرغمالیوں کو چھوڑ دیا جائے وگرنہ وہ قتل عام کریں گے جو قابل مذمت ہے۔

جماعت اسلامی نے فیصلہ کیا ہے کہ ٹرمپ کے رویے کے خلاف اور فلسطینیوں سے اظہار یکجہتی کےلیے 29 دسمبر کو اسلام آباد میں ملین مارچ ہوگا۔