شام حکومت گرانے والا تکفیری دہشتگرد ابو محمد الجولانی کون ہے؟ اہم رپورٹ

شیعیت نیوز : ابو محمد الجولانی شام کی دہشتگرد تنظیم حیات تحریر الشام کا سربراہ ہے اور اس کا اصل نام احمد حسین الشرا ہے جو سن 1982 میں سعودی عرب کے دارالحکومت ریاض میں پیدا ہوا۔

اس کا خاندان 1989 میں شام واپس آیا جہاں وہ دمشق کے قریب رہائش پزیر ہوئے۔

2003 میں وہ عراق منتقل ہوا، جہاں اس نے اسی سال امریکا کی جارحیت کے خلاف مزاحمت کے طور پر القاعدہ میں شمولیت اختیار کی۔

بعد ازاں ابو محمد الجولانی 2006 میں عراق میں امریکی فوج کے ہاتھوں گرفتار ہوا جہاں اسے 5 سال تک قید میں رکھا گیا۔

پھر رہائی ملنے کے بعد الجولانی کو شام میں القاعدہ کی ذیلی تنظیم ’النصرہ فرنٹ‘ کی ذمہ داری سونپی گئی۔

جس نے خاص طور پر ادلب میں مخالف قوتوں کے زیر کنٹرول علاقوں میں اپنا اثر بڑھایا۔

ابتدائی سالوں میں الجولانی کی جانب سے ابو بکر البغدادی کے ساتھ کام کیا گیا۔

جو کہ تکفیری دہشتگرد تنظیم داعش کا سربراہ تھا۔

پھر اپریل 2013 میں البغدادی نے اچانک اعلان کیا کہ اس کی تنظیم القاعدہ سے تعلق ختم کر رہی ہے اور شام جا رہی ہے۔

جس سے النصرہ فرنٹ کو ایک نئی تنظیم داعش میں ضم کر دیا گیا۔

تاہم ابو الجولانی نے اس تبدیلی کو مسترد کرتے ہوئے القاعدہ کے ساتھ اپنی وفاداری برقرار رکھی۔

یہ بھی پڑھیں : حالات پر قابو نہ پایا گیا تو شام دہشتگردوں کے لئے پناہ گاہ بن سکتا ہے، ایران نے خبردار کردیا

2014 میں اپنے پہلے ٹیلی ویژن انٹرویو میں الجولانی نے الجزیرہ سے گفتگو میں کہا کہ شام میں اسلامی قانون نافذ ہوگا اور ملک کی اقلیتوں کو قبول نہیں کیا جائے گا۔

تاہم وقت گزرنے کے ساتھ الجولانی اس منصوبے سے دور ہوتے نظر آیا اور اس کی بجائے وہ شام کی سرحدوں کے اندر اپنے گروپ کو مضبوط بنانے پر توجہ مرکوز کرتا دکھائی دیا۔

پھر جولائی 2016 میں شام کا شہر حلب پر حکومت نے قبضہ کرلیا اور وہاں موجود مسلح گروہ ادلب کا رخ کرنے لگے۔

اس کے بعد الجولانی نے اعلان کیا کہ اس کے گروپ کا نام بدل کر جبہت فتح الشام کر دیا گیا ہے۔

2017 کے اوائل تک ہزاروں دہشتگرد حلب سے فرار ہو کر ادلب پہنچے اور الجولانی نے اعلان کیا کہ ان گروپوں میں سے کئی کو اپنے گروپ کے ساتھ ضم کر دیا گیا ہے اور اسے حیات تحریر الشام کا نام دیا گیا۔

باغی گروہ حیات تحریر الشام کا واضح مقصد شام کو دہشتگردوں کے لئے ایک محفوظ پناہ گاہ بنانا ہے۔

جس کو یہ سب اسلام کے لبادے میں انجام میں دے رہے ہیں، اپنی مرضی کا نظام نافذ کرنا چاہتے ہیں۔

حالیہ جھڑپوں میں اس اہم دہشتگرد کمانڈر کے جہنم واصل ہونے کی بھی رپورٹس موجود ہیں، تاہم کسی بھی طرف سے اس کی تصدیق نہیں کی گئی۔