یمن کی طرف سے جنگی کشتیوں پر شدید حملے ہورہے ہیں، امریکہ کا اعتراف

شیعیت نیوز: امریکی محکمہ دفاع نے یمنی فوج کی جانب سے امریکی فوجی جہازوں پر حملے کی تصدیق کر دی ہے۔

پینٹاگون کے ترجمان پیٹ رائڈر نے صحافیوں کو بتایا کہ آبنائے باب المندب میں انصار اللہ کے بڑے پیمانے پر کیے گئے میزائل اور ڈرون حملوں میں امریکی جنگی کشتیوں کو نشانہ بنایا گیا۔

انہوں نے تفصیلات بتاتے ہوئے کہا کہ ان جنگی جہازوں پر کم از کم 8 خودکش ڈرونز، 5 اینٹی شپ بیلسٹک میزائل اور 3 اینٹی شپ کروز میزائل داغے گئے۔ تاہم، امریکی بحریہ نے ان حملوں کے خلاف مؤثر دفاع کیا اور جہازوں کو کوئی نقصان نہیں پہنچا۔

یہ بھی پڑھیں: ایران کا امریکی دباؤ کے خلاف مزاحمت جاری رکھنے کا اعلان

پینٹاگون کے اہلکار نے کہا کہ اس واقعے میں کسی امریکی فوجی اہلکار کی ہلاکت نہیں ہوئی۔

اس سے قبل، انصار اللہ نے ایک بیان جاری کرتے ہوئے اس حملے کی ذمہ داری قبول کی تھی اور کہا تھا کہ یہ کارروائی یمن کی سالمیت پر امریکہ کی جارحیت اور بمباری کے ردعمل میں کی گئی ہے۔