حزب اللہ کا صہیونی فوج کے جارحانہ حملوں کا منہ توڑ جواب، 200 سے زائد میزائل فائر

شیعیت نیوز: صہیونی فوج کی جانب سے بیروت اور لبنان کے سرحدی علاقوں پر جارحیت کے بعد حزب اللہ نے منہ توڑ جواب دیا ہے۔
صہیونی چینل 11 نے اپنی رپورٹ میں کہا ہے کہ گذشتہ دو دنوں کے دوران لبنانی تنظیم نے اپنے حملوں میں صہیونی سرحدی قصبوں کو خصوصی ہدف بنایا ہے۔
جنوبی لبنان کی سرحد کے اندر سے حملوں میں تشویشناک حد تک اضافہ ہوا ہے۔ یاد رہے کہ صہیونی فوج نے گذشتہ دنوں سرحدی علاقوں کو حزب اللہ کے جنگجووں سے خالی کرنے کا دعوی کیا تھا۔

یہ بھی پڑھیں: ایران اور شام کی اعلی سطحی ملاقات: خطے میں صیہونی جارحیت کے خلاف عزم کا اعادہ

چینل 11 کے نامہ نگار نے صہیونی فوجی حکام سے سوال کیا کہ حزب اللہ کے حملے مسلسل جاری ہیں۔ ایسے میں سرحدی علاقوں سے حزب اللہ کا انفراسٹرکچر تباہ کرنے کا دعوی کیسے قبول کیا جاسکتا ہے؟
صہیونی ذرائع ابلاغ کے مطابق گذشتہ چوبیس گھنٹوں کے دوران حزب اللہ نے 200 سے زائد میزائل فائر کئے ہیں۔