محمد بن سلمان کی اسرائیلی جارحیت کی مذمت، لبنان اور ایران پر حملوں پر جنگ بندی کا مطالبہ

شیعیت نیوز: ریاض میں منعقدہ اسلامی اور عرب تعاون تنظیم کے سربراہان کے غیر معمولی اجلاس میں مختلف ممالک کے سربراہان نے شرکت کی اور صیہونیوں کے جرائم اور جارحیت کی شدید مذمت کی۔

ریاض میں اسلامی اور عرب تعاون تنظیم کے اجلاس کا آغاز سعودی عرب کے ولی عہد محمد بن سلمان کے خطاب سے ہوا، جس میں انہوں نے UNRWA کی سرگرمیوں کو جاری رکھنے کی ضرورت پر زور دیا اور کہا کہ دیگر بین الاقوامی تنظیموں کو بھی فلسطین کی حمایت جاری رکھنی چاہیے۔

یہ بھی پڑھیں: حزب اللہ کا اسرائیلی اہم تنصیبات پر راکٹ حملہ، متعدد فوجی ہلاک

محمد بن سلمان نے اپنے خطاب میں کہا کہ سعودی عرب لبنان کی سرزمین پر اسرائیل کے حملے کے سخت خلاف ہے اور اس جارحیت کے سنگین نتائج برآمد ہوں گے۔ انہوں نے عالمی برادری سے مطالبہ کیا کہ اسرائیل کو مشرق وسطیٰ میں مزید جارحیت سے روکا جائے تاکہ خطے میں پائیدار امن قائم کیا جا سکے۔