اہم ترین خبریںپاکستان

ایرانی وزیر خارجہ کی آرمی چیف سے اہم ملاقات،مشرق وسطیٰ کی صورتحال پر تبادلہ خیال

عراقچی اور جنرل عاصم منیر نے پاک ایران دوطرفہ تعاون، خطے کی صورتحال بالخصوص دفاعی فوجی تعاون اور مشترکہ سرحدوں پر سیکیورٹی سے متعلق تازہ ترین پیش رفت پر تبادلہ خیال کیا۔

 شیعیت نیوز: سید عباس عراقچی نے راولپنڈی میں پاک فوج کے ہیڈ کوارٹر میں پاکستانی آرمی چیف جنرل سید عاصم منیر سے ملاقات کی۔

اس ملاقات میں پاکستانی فوج کے بعض اعلیٰ حکام کے ساتھ ساتھ ایرانی سفیر رضا امیری مقدم اور پاکستان میں اسلامی جمہوریہ ایران کے ملٹری اتاشی جرنل محمد محسن شہابی بھی موجود تھے۔

عراقچی اور جنرل عاصم منیر نے پاک ایران دوطرفہ تعاون، خطے کی صورتحال بالخصوص دفاعی فوجی تعاون اور مشترکہ سرحدوں پر سیکیورٹی سے متعلق تازہ ترین پیش رفت پر تبادلہ خیال کیا۔

یہ بھی پڑھئیے: ایران پاک وزرائے خارجہ کی ملاقات!آیت اللہ خامنہ ای کو میرا سلام پہنچادیں،ڈار

ایران کے وزیر خارجہ آج اسلام آباد میں اپنی دوسری ورکنگ میٹنگ میں پاکستان کے نائب وزیر اعظم اور وزیر خارجہ سینیٹر محمد اسحاق ڈار سے ملاقات کریں گے اور اس کے بعد وہ اپنے پاکستانی ہم منصب کے ساتھ مشترکہ پریس کانفرنس میں شرکت کریں گے۔

سید عباس عراقچی پاکستانی وزیراعظم شہباز شریف سے بھی ملاقات کریں گے۔

متعلقہ مضامین

Back to top button