7 اکتوبر 2023 سے اب تک نیتن یاہو کی کابینہ کا سب سے بڑا اسکینڈل، رپورٹ جاری

شیعیت نیوز : امریکی سائٹ Axios نے رپورٹ دی ہے کہ صہیونی فوج نے وزیر اعظم بنیامین نیتن یاہو کے متعدد قریبی رشتہ داروں کی گرفتاری کے بعد انتہائی خفیہ معلومات فاش ہونے کے بارے میں تحقیقات کا مطالبہ کیا ہے۔

بڑا سوال یہ ہے کہ کیا نیتن یاہو اس معلومات کو لیک کرنے کے عمل میں ملوث  ہے یا نہیں؟

غزہ کے خلاف جنگ کے آغاز کے بعد سے صہیونی حکومت کی کابینہ کے سب سے بڑے اسکینڈل کے دوران نیتن یاہو کے بہت سے قریبی افراد کو گرفتار کیا گیا ہے۔

یہ بھی پڑھیں : امریکہ کو فلسطینی شیرخوار بچوں نے شکست دی ہے، سربراہ پاسداران انقلاب

اس رپورٹ کے مطابق انتہائی خفیہ معلومات کے اسکینڈل سے نیتن یاہو اور انٹیلی جنس اداروں کے درمیان بداعتمادی بڑھنے کا امکان ہے۔

حالیہ چند دنوں کے دوران نیتن یاہو کے دفتر سے انتہائی خفیہ معلومات کے لیک ہونے سے متعلق خبریں ذرائع ابلاغ اور سوشل میڈیا پر گردش کر رہی تھیں۔

صہیونی سیکیورٹی اداروں کا خیال ہے کہ کچھ لوگوں نے حساس معلومات کو لیک کیا ہے جس سے غزہ میں جنگ کے اہداف کو نقصان پہنچا ہے۔