فلسطینی مزاحمت کی بڑی کاروائی صیہونی فوج کا ساتواں کمانڈر ہلاک

شیعیت نیوز : صیہونی حکومت کے ترجمان نے آج  "غفااتی” بریگیڈ کے ایک اور افسر کی ہلاکت کی تصدیق کی ہے۔

یہ افسر "شیکڈ” بٹالین کی ایک کمپنی کا کمانڈر تھا جو غزہ کے جنوب میں ہونے والی جھڑپوں کے دوران زخمی ہوا تھا اور ایک ماہ سے زیادہ عرصہ زخمی رہنے کے بعد ہلاک ہو گیا۔

یہ صہیونی کمانڈر ایک عمارت کے اندر چار دیگر فوجیوں کے ساتھ شدید زخمی ہوا تھا۔

تین روز قبل صہیونی فوج کے ترجمان نے شمالی غزہ کے شہر جبالیہ کی جھڑپوں میں چھ اسرائیلی کمانڈر اور تئیس فوجیوں کی ہلاکت کی تصدیق کی تھی۔

یہ بھی پڑھیں : ایران امریکی صدارتی انتخابات سے قبل اسرائیل پر جوابی حملہ کرے گا، امریکہ

دریں اثنا، غزہ میں فلسطینی مزاحمت قابض افواج کا مقابلہ کر رہی ہے اور اس رجیم کو غزہ کے شمال میں بے پناہ جانی و مالی نقصان پہنچانے میں کامیاب ہوئی ہے۔

صیہونی رجیم غزہ کے علاقوں کا محاصرہ اور شہریوں کے خلاف جرائم کی مرتکب ہو رہی ہے۔

اسلامی جہاد تحریک کی عسکری شاخ سرایا القدس نے آگاہ کیا کہ اس نے رفح کے ابوجراد اسٹیشن کے اطراف میں قابض فوج کی کمانڈ پوزیشنوں کو میزائلوں سے نشانہ بنایا ہے۔