شہید سید حسن نصراللہ کے چہلم پر ملک بھر میں اجتماعات کئے جائیں، علامہ مقصود ڈومکی
مرکزی رہنما ایم ڈبلیو ایم علامہ مقصود علی ڈومکی کا کہنا تھا کہ شہداء مقاومت پر پوری امت کو ناز ہے، شہید سید حسن نصراللہ کے چہلم کے موقع پر پورے ملک میں اجتماعات کئے جائیں

شیعیت نیوز : مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ سید مقاومت شہید علامہ سید حسن نصر اللہ اور شہید یحییٰ سنوار عالم اسلام کے عظیم ہیرو تھے۔
جن پر پوری امت مسلمہ کو ناز ہے۔
اس عظیم شہید کے چہلم کے موقع پر پورے پاکستان میں عظیم اجتماعات منعقد کرکے لشکر اسلام کے علمبردار کو زبردست خراج عقیدت پیش کریں۔
تحریک آزادی فلسطین نے امت مسلمہ کو آپس میں جوڑ دیا ہے۔
حماس اور حزب اللہ کے سنی اور شیعہ قائدین اور جوانوں نے مل کراسلام دشمن سامراجی ممالک اسرائیل اور امریکہ کا مقابلہ کیا ہے۔
یہ بیداری امت اور اتحاد بین المسلمین کا عملی نمونہ ہے۔
امت مسلمہ اپنے اختلافات بھلا کر مجاہدین اسلام حماس، حزب اللہ اور انصار اللہ کا ساتھ دے۔
یہ بھی پڑھیں : تحفظ آئین پاکستان کی جدوجہد میں کمی نہیں آنے دیں گے، ایم ڈبلیو ایم بلوچستان
پارا چنار میں شیعہ سنی مسلمانوں کو آپس میں لڑانے کے لئے مسلسل سازشیں جاری ہیں۔
پارا چنار کے شیعہ اور سنی مسلمانوں کو اپنی بیداری، ہوشیاری اور وحدت سے دشمن کی اختلاف اور انتشار پر مبنی سازش کو ناکام بنانا ہوگا۔
انہوں نے مطالبہ کیا کہ پارا چنار کا محاصرہ ختم کرتے ہوئے پارا چنار پشاور شاہراہ کو پارہ چنار کے عوام کے لئے پرامن بنایا جائے۔
صوبائی اور وفاقی حکومت کی ذمہ داری بنتی ہے کہ وہ پارا چنار میں دیر پا امن کے لئے سنجیدہ اقدامات کریں۔
کبھی بھی پارا چنار کے مظلوم عوام کو تنہا نہیں چھوڑیں گے۔
ہم قائد وحدت علامہ راجہ ناصر عباس جعفری کے حکم کے منتظر ہیں۔
اگر قائد وحدت نے پارہ چنار کی طرف لانگ مارچ کا حکم دیا تو ملک بھر سے قافلے قائد وحدت کے حکم پر پارا چنار کا رخ کریں گے۔