ایران کے دشمنوں کو اپنے وعدوں پر قائم رہنا چاہئے، صدر پزشکیان

شیعیت نیوز: ایران کے صدر مسعود پزشکیان نے ملک کے نئے وزیر خارجہ عباس عراقچی کی تعارفی تقریب کے موقع پر صحافیوں سے گفتگو کرتے ہوئے کہا۔

کہ ہمارے ملک کے خلاف دشمنوں کے اقدامات ظالمانہ ہیں۔

ہم اپنے وعدوں پر قائم ہیں اور انہیں بھی اپنے وعدوں پر قائم رہنا چاہیے۔

پریس ٹی وی نے رپورٹ کے مطابق صدر پزشکیان نے مزید کہا کہ ان کی حکومت پڑوسی ممالک کے ساتھ تعلقات کو مضبوط بنانے کو ترجیح دے گی۔

انہوں نے کہا کہ پڑوسی ممالک کے ساتھ تعلقات کی ترقی پابندیوں کو غیر موثر بنانے میں معاون ثابت ہوگی۔

ایرانی صدر نے مزید کہا کہ ان کی حکومت کی ترجیحات رہبر معظم انقلاب اسلامی حضرت آیت اللہ العظمی سید علی خامنہ ای کی پالیسیوں پر مبنی ہیں ۔

یہ بھی پڑھیں: شام لبنان سرحد، گاڑی پر اسرائیلی ڈرون حملہ، 3 فلسطینی اور ایک حزب اللّٰہ رکن شہید

جو ممالک کے ساتھ عزت، حکمت اور ایران کے مفاد میں تعلقات استوار کرنے سے عبارت ہیں۔

انہوں نے مزید کہا کہ اسلامی جمہوریہ ایران نے ہمیشہ جنگ سے بچنے اور امن قائم کرنے کی کوشش کی ہے۔

لیکن وہ ظلم کو کبھی برداشت نہیں کرے گا۔