ایک سال سے پہلے اسرائیل کے ختم ہونے کا امکان ہے، سابق صیہونی جنرل

شیعیت نیوز : صیہونی حکومت کے ایک ریٹائرڈ جنرل اسحاق بریک نے ایک بار پھر اس حکومت کے وزیر اعظم نیتن یاہو کی جانب سے جنگ بندی کے معاہدے کے حصول کی راہ میں روڑے اٹکائے جانے پر کڑی نکتہ چینی کی۔ انہوں نے کہا کہ نیتن یاہو کی نئی شرائط نے جنگ بندی اور قیدیوں کی واپسی کو مزید مشکل بنا دیا ہے۔ بریک نے خبردار کیا کہ اگر حماس اور حزب اللہ کے ساتھ جنگ جاری رہی تو ایک سال سے بھی کم عرصے میں صیہونی حکومت کا خاتمہ ہو جائے گا۔

یہ بھی پڑھیں : اسرائیل غزہ جنگ بندی کی پیشگی شرط سے دستبردار ہو گیا، حماس

انہوں نے مزید کہا کہ یولاف گیلنٹ بھی اس بات کو سمجھ رہے ہیں کہ ہم غزہ کی دلدل میں دھنستے جا رہے ہیں اور ہمارے فوجی مارے جا رہے ہیں جبکہ حماس کے خاتمے کا ہدف بھی پورا ہوتا دکھائی نہیں دے رہا۔