اسرائیل کی غزہ کے اسکولوں پر بمباری ہر طرف لاشیں

شیعیت نیوز: دہشتگرد صیہونی فوجیوں نے غزہ کے مزید دو اسکولوں پر بمباری کر کے کم از کم 54 افراد کو شہید اور 50 کو زخمی کر دیا۔

تفصیلات کے مطابق، غزہ میں حسن سلامہ اور النصر اسکولوں پر صیہونی دہشتگردوں نے بمباری کی، جس کے بعد وہاں تباہی مچ گئی۔ حملے کے بعد علاقے سے اب تک 25 لاشیں برآمد ہوئی ہیں، جن میں زیادہ تر بچے اور خواتین ہیں۔ غزہ کے علاقے دیر البلاح اور جبالیا پناہ گزین کیمپ پر اسرائیلی حملوں میں 10 فلسطینی شہید جبکہ درجنوں دیگر زخمی ہوگئے۔

سماء نیوز ایجنسی کی رپورٹ کے مطابق، فلسطین کی وزارت صحت نے تازہ ترین اعداد و شمار میں اعلان کیا ہے کہ 7 اکتوبر سے اب تک فلسطینی شہداء کی تعداد 39,583 ہوچکی ہے۔

غزہ پٹی میں فلسطینی وزارت صحت نے اعلان کیا ہے کہ 7 اکتوبر 2023 میں غزہ جنگ شروع ہونے کے بعد سے اس علاقے میں اب تک کئی لاکھ افراد ہیپاٹائٹس میں مبتلا ہوچکے ہیں۔

رپورٹ کے مطابق، اب تک دسیوں ہزار سے زیادہ فلسطینی بڑے پیمانے پر تباہی و بربادی، بھوک پیاس اور ملبے تلے دب کر شہید و لاپتہ ہوچکے ہیں۔

غزہ پر صیہونی فوجیوں کے وحشیانہ حملے اور جارحیتیں تین سو سے زیادہ دنوں سے جاری ہیں، اور صیہونی حکومت روز بروز داخلی و بیرونی بحرانوں میں پھنستی جا رہی ہے۔

صیہونی حکومت کو غزہ پر اپنی جارحیتوں سے قتل عام، تباہی و بربادی، جنگی جرائم کے ارتکاب، بین الاقوامی قوانین کی خلاف ورزی، امدادی اداروں پر بمباری اور اس علاقے پر بھوک و قحط مسلط کرنے کے سوا کچھ حاصل نہیں ہوا ہے۔

یہ بھی پڑھیں : ایران کے ممکنہ حملے سے ڈر کر نیتن یاہو بل میں گھس گیا

دوسری جانب، صیہونی جیلوں میں فلسطینی قیدیوں کی تعداد تقریباً 10,000 تک پہنچ گئی ہے، جن کی حالت نہایت ہولناک و دردناک ہے۔

اگست 2024 تک صیہونی حکومت کی جیلوں میں فلسطینی قیدیوں کی تعداد 9,900 تک پہنچ گئی ہے، جن میں 3,432 قیدیوں کے خلاف کوئی چارج شیٹ بھی داخل نہیں کی گئی ہے، اور ان قیدیوں میں 250 بچے اور 86 خواتین شامل ہیں۔

فلسطینی قیدیوں کے امور سے متعلق کمیٹی اور فلسطینی قیدیوں کی جانب سے منظرعام پر آنے والی رپورٹوں سے پتہ چلتا ہے کہ صیہونی حکومت نے غزہ سے گرفتار ہونے والے 1,584 فلسطینی قیدیوں کو غیرقانونی مجاہدین کی فہرست میں قرار دے رکھا ہے۔