فلسطین کی استقامتی تحریکوں کی تل ابیب پر یمن کے ڈرون حملے کی قدردانی

شیعیت نیوز: حماس نے ایک بیان جاری کرکے اعلان کیا ہے کہ تل ابیب پر یمن کی مسلح افواج کا منفرد ڈرون حملہ قابل قدر ہے جس نے صیہونیوں کی ہیبت کو نشانہ بنایا اور تل ابیب کو غیر محفوظ کردیا ہے۔

حماس نے کہا ہے کہ ہمارے یمنی بھائیوں کے اقدامات قابل قدر ہیں۔

اور صیہونی حکومت کے اندر اس کے مفادات پر حملہ کرنے والے استقامتی محاذ میں شامل سبھی قوتیں، صیہونی دشمن کے مقابلے کو امت اسلامیہ کا فطری حق سمجھتی ہیں۔

فلسطین کی اسلامی استقامتی تحریک حماس نے مزید کہا ہے کہ یمن کے عوامی رہنما سید عبدالملک الحوثی اور یمن کے عزیز عوام، پوری قوت سے فلسطینی قوم کی پشت پناہی اور حمایت کر رہے ہیں جو قابل قدر ہے۔

یہ بھی پڑھیں:تمام صیہونی نیتن یاہوکی کابینہ کے خلاف احتجاج میں شامل ہوں : یائرلاپید

حماس نے سبھی اسلامی تحریکوں، جماعتوں، تنظیموں، گروہوں اور افواج سے اپیل کی ہے کہ غزہ کے نہتے اور بے گناہ عوام اور اسلامی مقدسات کے دفاع میں معرکہ عزت و شرف اور کرامت میں شامل ہوجائيں۔

فلسطین کی اسلامی استقامتی تنظیم جہاد اسلامی نے بھی ایک بیان جاری کرکے تل ابیب پر یمن کے کامیاب ڈرون حملے کو فلسطینی عوام کے قتل عام کا فطری جواب قرار دیا ہے۔

جہاد اسلامی فلسطین نے ایک بیان جاری کرکے یمن کی مسلح افواج کو تل ابیب میں ایک اہم صیہونی ہدف پر کامیاب ڈرون حملے کی مبارکباد پیش کی ہے۔

اس رپورٹ کے مطابق جہاد اسلامی فلسطین نے اپنے بیان میں کہا ہے کہ یمنی افواج کا یہ دلیرانہ اور کامیاب ڈرون حملہ، امریکا کی حمایت سے غاصب صیہونی حکومت کے ذریعے فلسطینی عوام کے قتل عام کا فطری جواب ہے۔