کوئٹہ، علامہ مقصود ڈومکی کی ڈی آئی جی پولیس سے ملاقات

شیعیت نیوز: مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی کی قیادت میں ایک وفد نے کوئٹہ میں ڈی آئی جی پولیس علی شیر جکھرانی سے ملاقات کی۔

ملاقات میں ایم ڈبلیو ایم بلوچستان کے صوبائی نائب صدر عیوض علی ہزارہ، ضلعی صدر ہزارہ ٹاؤن کوئٹہ سید مہدی ابراہیمی، نائب صدر آغا ضیاء، سجاد علی و دیگر بھی موجود تھے۔

اس موقع پر علامہ مقصود علی ڈومکی نے کہا کہ ماہ محرم الحرام نواسہ رسول حضرت امام حسین علیہ السلام کی عظیم قربانی اور ان کے عظیم مقاصد کو بیان کرنے کا مہینہ ہے۔

بلوچستان میں بسنے والے مختلف مکاتب کے درمیان اتحاد بین المسلمین اور مذہبی ہم آہنگی کی فضاء قائم ہے۔

جس کو مزید فروغ دینے کی ضرورت ہے۔

انہوں نے کہا کہ منشیات کے بیوپاری نوجوان نسل کو برباد کر رہے ہیں۔

یہ بھی پڑھیں:کراچی، ہیئت آئمہ مساجد و علماء امامیہ کے تحت سیمینار

پولیس اور ریاستی اداروں کو منشیات کو روکنے کے لئے مزید موثر اقدامات کرنے چاہئیں۔

مجلس وحدت مسلمین قیام امن اور معاشرتی برائیوں کے خاتمے کے لئے پولیس اور انتظامیہ کا بھرپور ساتھ دے گی۔

اس موقع پر عیوض علی ہزارہ اور آغا ضیاء نے عوامی مسائل کی نشاندہی کی۔

ڈی آئی جی پولیس علی شیر جکھرانی نے مجلس وحدت مسلمین کے وفد کا شکریہ ادا کیا۔

انہوں نے کہا کہ جن اہم معاشرتی مسائل کی نشاندہی کی گئی ہے ان پر اقدام اٹھائیں گے۔

اس موقع پر علامہ مقصود علی ڈومکی نے ڈی آئی جی علی شیر جکھرانی کو مولانا عبدالحق بلوچ کی کتاب تاریخ بلوچ اور مولانا مفتی نظام الدین شامزئی کی کتاب عقیدہ ظہور مہدی علیہ السلام کا تحفہ پیش کیا۔