رہبر معظم کا امریکی طلباء کے نام خط دانشمندانہ اور حکیمانہ تھا، علامہ علی اکبر نوائی

شیعیت نیوز : حوزہ علمیہ خراسان کے اعلیٰ سطح کے استاد حجت الاسلام والمسلمین علی اکبر نوائی نے رہبر معظم کے خط کا تجزیہ پیش کرتے ہوئے کہا: حال ہی میں رہبر معظم انقلاب نے امریکن اسٹوڈنٹس کے نام اپنا ہمدردانہ، روشن خیال، دانشمندانہ اور حکیمانہ خط لکھا ہے۔

جس میں انہوں نے دنیا بھر میں ظالم صیہونیوں کے خلاف اٹھتی تحریکوں کے مختلف عمیق پہلوؤں کو بیان کیا ہے۔

اس خط میں انتہائی سمجھ بوجھ کے ساتھ عصری دنیا میں موجود اس احساس ذمہ د اری کو بیان کیا ہے جو اس وقت دنیا کے مختلف کونوں میں فلسطینیوں کے مظلوم عوام کے دفاع کے لیے ابھر رہی ہیں۔

یہ خط ایک راہنما پیغام کی مانند ہے جو مغربی دنیا میں تحریک مقاومت کے مستقبل کو ظاہر کرتا ہے۔

سوال یہ پیدا ہوتا ہے کہ سپریم لیڈر نے ایسی صورتحال میں امریکی طلباء کو یہ خط کیوں لکھا؟

یہ بھی پڑھیں : بیروت میں امریکی سفارتخانے پر فائرنگ

اس کا جواب یہ ہے کہ دنیا کی موجودہ حالت کا تقاضا ہے کہ اس بدلتی تاریخ میں جہاں اپنے حقوق کا دعویٰ کرنے والے تاریخ کے ایک نئے موڑ میں داخل ہو رہے ہیں۔

استکباری نظام آہستہ آہستہ ٹوٹ پھوٹ کا شکار ہو رہے ہیں وہاں استکبار کے ظلم سے دنیا کو آگاہ کیا جائے اور اس کے مظالم کے خلاف اٹھنے والے تحریکوں کو خراج تحسین پیش کیا جائے۔

رہبر انقلاب کا خط دنیا میں صیہونیوں کے مظالم اور جرائم کی انتہا کو ظاہر کرتا ہے۔

خط لکھنے کی ایک اور وجہ انسانی حقوق کے دفاع میں استکباریوں کے منظم جھوٹ کو بے نقاب کرنا تھا۔

آج مغرب دنیا میں جھوٹ کا سہارا لیتے ہوئے انسانی حقوق کے تحفظ کی وکالت کرتا ہے۔ تو کیا غزہ اور فلسطین جہاں ہر روز ہزاروں لوگ شہید ہوتے ہیں، وہ انسان نہیں ہیں ؟