صہیونی بندرگاہ ایلات پر لانگ رینج میزائلوں سے حملہ کیا ہے، یمنی فوج

شیعیت نیوز:یمنی فوجی ترجمان میجر جنرل یحیی سریع نے کہا ہے کہ یمنی فوج نے پیر کو رات گئے صہیونی تنصیبات پر حملے کئے ہیں۔

المسیرہ کے مطابق جنرل یحیی سریع نے کہا کہ مقبوضہ فلسطین کے جنوب میں واقع ایلات بندرگاہ کے اندر صہیونی فوج کی دفاعی تنصیبات پر میزائل حملہ کیا ہے۔

انہوں نے کہا کہ یمنی فوج نے ایلات پر حملے میں طویل فاصلے تک مارکرنے والے میزائل "فلسطین” کو پہلی مرتبہ استعمال کیا ہے۔

یہ بھی پڑھیں ‘تل ابیب نے حماس کی جنگ بندی شرائط قبول کر لیں، حماس رہنما کا دعوی

جنرل سریع نے کہا کہ بیلسٹک میزائلوں نے اپنے ہدف کو کامیابی کے ساتھ نشانہ بنایا۔

انہوں نے یمنی فوج کا عزم دہرایا اور کہا کہ غزہ کے فلسطینیوں کے ساتھ یکجہتی کرتے ہوئے صہیونی فوجی تنصیبات پر حملے جاری رکھیں گے۔