صہیونی حکومت کی ہٹ دھرمی کی وجہ سے دوحہ مذاکرات ناکام ہوگئے، حماس

شیعیت نیوز: فلسطینی تنظیم حماس کے اعلی رہنما نے کہا ہے کہ اسرائیلی حکام کے نامناسب اور غیر معقول رویے اور مطالبات کی وجہ دوحہ مذاکرات ناکامی سے دوچار ہوگئے ہیں۔

المیادین سے گفتگو کرتے ہوئے حماس کے اعلی رہنما نے کہا کہ صہیونی حکومت غزہ میں مہاجرین کی واپسی کے بارے میں غیر معقول شرائط پیش کررہی ہے جو کہ حماس کو کسی بھی طور پر قبول نہیں۔

انہوں نے کہا کہ صہیونی حکومت غزہ میں فلسطینی خواتین، بچوں اور بوڑھوں کو ہی مرحلہ وار واپسی کی اجازت دینا چاہتی ہے۔

یہ بھی پڑھیں:اسرائيل کو مزید ارتکاب جرم سے روکا جائے: ہیومین رائٹس واچ

جو کسی بھی طور پر معقول نہیں ہے اور حماس ایسی نامعقول شرائط کو قبول نہیں کرسکتی ہے۔

حماس کے رہنما نے مزید کہا کہ اسرائیلی حکومت نے غزہ میں جنگ بندی یا فوجی انخلاء کے حوالے سے حماس کی تجویز کا کوئی جواب نہیں دیا۔

اسی طرح فلسطینی قیدیوں کی رہائی کے حوالےسے مثبت جواب نہیں ملا۔