شیعیت نیوز: ایرانی وزیرخارجہ حسین امیرعبداللہیان نے عراقی ہم منصب فواد حسین سے ٹیلیفون پر رابطہ کیا اور باہمی تعلقات اور دیگر موضوعات پر تبادلہ خیال کیا۔
دونوں رہنماوں نے رمضان المبارک کی آمد کے موقع پر ایک دوسرے کو مبارک باد پیش کی اور باہمی تعلقات کو مزید وسعت دینے کے لئے سربراہان مملکت کے درمیان ہونے والے معاہدوں پر جلد عملدرآمد کی ضرورت پر تاکید کی۔
گفتگو کے دوران عبداللہیان اور فواد حسین نے الجزائر میں ہونے والے گیس برامد کرنے والے ممالک کے سربراہی اجلاس کے بارے میں تبادلہ خیال کیا۔
یہ بھی پڑھیں:مسلمان بیت المقدس کی آزادی کے لیے اہم قدم اٹھا سکتے ہیں، ایرانی اسپیکر
اس موقع پر دونوں وزرائے خارجہ نے علاقائی اور بین الاقوامی مسائل پر مشترکہ موقف اختیار کرنے کی ضرورت پر اتفاق کیا۔
فلسطین کی صورتحال پر تبادلہ خیال کرتے ہوئے دونوں نے کہا کہ غزہ میں نسل کشی اور صہیونی مظالم کو روکنے کے لئے سیاسی اور سفارتی کوششیں بڑھانے اور انسانی امداد کی فراہمی کو یقینی بنانے کی بہت ضرورت ہے۔
