ایم ڈبلیو ایم نے انتخابات کیلئے کوئٹہ میں امیدواروں کو پارٹی ٹکٹ جاری کر دیئے

شیعیت نیوز:مجلس وحدت مسلمین نے عام انتخابات کے لئے کوئٹہ سے تعلق رکھنے والے چاروں امیدواروں کو پارٹی ٹکٹ جاری کر دیئے

گذشتہ شب علمدار روڈ کوئٹہ میں واقع ایم ڈبلیو ایم کے صوبائی سیکریٹریٹ میں انتخابات سے متعلق ہنگامی اجلاس کا انعقاد ہوا۔

جس میں ایم ڈبلیو ایم کے مرکزی سیکرٹری سیاسیات اسد نقوی نے پی بی 42 کے امیدوار علامہ علی حسنین حسینی، پی بی 40 کے امیدوار سید عباس موسوی، این اے 263 کے امیدوار ارباب لیاقت علی ہزارہ اور این اے 262 کے امیدوار جعفر علی جعفری کو پارٹی ٹکٹ تقسیم کئے۔
یہ بھی پڑھیں:کوئٹہ میں الیکشن کی گہما گہمی ،مجلس وحدت مسلمین کی سیاسی بیٹھکیں جاری
اجلاس کی صدارت ایم ڈبلیو ایم بلوچستان کے صدر علامہ سید ظفر عباس شمسی نے کی۔

جبکہ مرکزی سیکرٹری سیاسیات سید اسد نقوی اور ممبر شوریٰ عالی کے رکن آغا رضا مہمان خصوصی تھے۔

اس موقع پر صوبائی نائب صدر علامہ شیخ ولایت حسین جعفری، صوبائی جنرل سیکرٹری سہیل اکبر شیرازی، صوبائی ڈپٹی جنرل سیکرٹری حاجی ذاکر حسین درانی، صوبائی صدر مجلس علماء مکتب اہلبیت علامہ ڈاکٹر محمد موسیٰ حسینی، ضلعی سیکرٹری سیاسیات حاجی غلام حسین اخلاقی، صوبائی و ضلعی شوریٰ بزرگان کے ارکان اور دیگر کارکنان بھی موجود تھے۔