مولانا امداد علی گھلو شیعہ علماء کونسل جنوبی پنجاب کے صوبائی صدر منتخب

شیعیت نیوز: شیعہ علماء کونسل جنوبی پنجاب کا اہم اجلاس امامین کربلا (جامعہ مخزن العلوم الجعفریہ) ملتان میں منعقد ہوا، جس میں شیعہ علماء کونسل پاکستان کے مرکزی جنرل سیکرٹری علامہ ڈاکٹر شبیر حسن میثمی نے خصوصی شرکت کی۔

اجلاس میں جنوبی پنجاب بھر سے علمائے کرام اور تنظیمی ذمہ داران نے بڑی تعداد میں شرکت کی۔

اجلاس کی انتخابی کاروائی مرکزی سیکرٹری اطلاعات زاہد علی آخونزادہ نے چلائی، اجلاس میں مرکزی صدر جے ایس او پاکستان محمد اکبر بھی موجود تھے۔

یہ بھی پڑھیں : ہری پور مسجد پر پابندی کسی صورت قبول نہیں، انتظامیہ ہوش کے ناخن لے،علامہ شبیر میثمی

اجلاس سے مرکزی و صوبائی ذمہ داران نے توسیع تنظیم کے موضوع پر کارکنان سے مفصل اور اہم خطابات بھی کیے، بعد ازاں صوبائی صدر جنوبی پنجاب کا الیکشن ہوا جس میں مولانا امداد علی گھلو صدر منتخب ہوئے۔

مرکزی سیکرٹری جنرل شیعہ علما کونسل پاکستان علامہ ڈاکٹر شبیر حسن میثمی نے نومنتخب صوبائی صدر جنونی پنجاب سے حلف بھی لیا۔

اجلاس کا اختتام سلامتی حضرت ولی العصر امام زمانہ عج کی دعا کے ساتھ کیا گیا۔