پولیس اہلکاروں نے شہری کو اغوا کر کے 28 لاکھ روپے ہتھیا لیے

شیعیت نیوز:  لاہور پولیس کے اہلکاروں نے شہری کو اغوا کر کے 28 لاکھ روپے ہتھیا لیے۔

تفصیلات کے مطابق زاہد حسین نامی شہری نے ایس پی ماڈل ٹاؤن میں اپنے ساتھ پیش آئی واردات کے حوالے سے درخواست جمع کروائی ہے۔

اس درخواست میں انہوں نے مؤقف اختیار کیا کہ موبائل کی دکان پر کام کرنے والے ملازمین ایک کروڑ روپے لے کر ہال روڈ سے اقبال ٹاؤن جارہے تھے کہ اس دوران تھانہ شادمان کے قریب ہمیں پولیس اہلکاروں نے روکا اور تھانے منتقل کردیا۔

 

یہ بھی پڑھیں:کیا قائد اعظم محمد علی جناح کے رہنماء اصول تبدیل ہوسکتے ہیں؟

 

انہوں نے درخواست میں مؤقف اختیار کیا کہ  تھانے میں سب انسپکٹر نوید، کانسٹیبل اویس اور تنویر دونوں ملازمین کو نجی ہوٹل لے گئے، جہاں انہوں نے خود کو ایف آئی اے کا اہلکار طاہر کر کے ملازمین کو تین دن ہوٹل کے کمرے میں بند رکھا گیا۔

درخواست میں مؤقف اختیار کیا گیا ہے کہ ملزمان نے 28 لاکھ روپے اور ایک موبائل خود رکھ لیا جبکہ باقی رقم ملازمین حمزاللہ اور منہاج کو واپس کر کے انہیں واقعے سے متعلق کسی کو نہ بتانے کی ہدایت کی۔