غزہ کو مغربی کنارے اور بیت المقدس سے الگ کرنا ناقابل قبول ہے، محمود عباس

شیعیت نیوز: فلسطینی اتھارٹی کے سربراہ نے اس بات پر زور دیا کہ صیہونی حکومت غزہ کی پٹی کو مقبوضہ مغربی کنارے اور بیت المقدس سے الگ نہیں کر سکتی اور یہ پالیسی ناقابل قبول ہے۔

محمود عباس نے کہا کہ قابض حکومت کی طرف سے غزہ کی پٹی کو مغربی کنارے اور بیت المقدس سے الگ کرنے کے منصوبے کو قبول نہیں کیا جا سکتا۔

انہوں نے اس بات پر زور دیا کہ غزہ کی پٹی پر دوبارہ قبضہ یا اس کے کسی حصے کی علیحدگی ناقابل قبول ہے۔

یہ بھی پڑھیں : جنگ کا دائرہ مزید نہ پھیلنےکی کوئی ضمانت نہیں دے سکتے، شیخ نعیم قاسم

محمود عباس نے مزید کہا کہ غزہ کی پٹی کا کوئی سیکورٹی یا فوجی حل نہیں ہے اور یہ پٹی فلسطینی سرزمین کا ایک لازم و ملزوم حصہ ہے۔

ہفتہ 7اکتوبر 2023 کو فلسطینی مزاحمتی قوتوں نے غاصب صیہونی حکومت کے ٹھکانوں کے خلاف غزہ (جنوبی فلسطین) سے ’’الاقصی طوفان‘‘ کے نام سے ایک حیرت انگیز آپریشن شروع کیا۔

اپنے دفاع کے بہانے صیہونی حکومت کی مغربی حمایت دراصل ایک سبز روشنی اور تل ابیب کے لیے فلسطینی بچوں اور خواتین کے بہیمانہ قتل کو جاری رکھنے کا لائسنس ہے۔

دوسری جانب خبری ذرائع نے شمالی غزہ میں واقع جبالیا پناہ گزیں کیمپ پر غاصب صیہونی فوج کے حملوں میں ساٹھ سے زیادہ افراد کے شہید ہونے کی خبر دی ہے۔

غاصب صیہونی حکومت کی فوج نے غزہ پٹی میں ایک بڑا ارتکاب جرم کرتے ہوئے جبالیا پناہ گزیں کیمپ پر حملہ کرکے ساٹھ سے زیادہ افراد کو شہید کر دیا ہے۔