فلسطینی مزاحمت کے ہاتھوں دو اسرائیلی خواتین قیدیوں کی رہائی

شیعیت نیوز: فلسطین کی اسلامی مزاحمتی تحریک حماس کے عسکری ونگ عزالدین القسام بریگیڈز نے پیر کے روز کہا ہے کہ اس نے مصر اور قطر کی ثالثی کی کوششوں کے جواب میں مزید دو خواتین قیدیوں کو رہا کر دیا ہے جن کی عمریں اسّی سال ہے۔

خبر رساں اداروں کے مطابق حماس کے مسلح ونگ کے ترجمان ابو عبیدہ نے ٹیلی گرام پر کہا کہ انہوں نے ’گذشتہ جمعہ سے دشمن کی طرف سے انہیں قبول کرنے سے انکار اور ہمارے قیدیوں کے معاملے کو نظر انداز کرنے کے باوجود قیدیوں کی رہائی کو یقینی بنایا ہے۔‘

ان کے مطابق ’ہم نے انہیں انسانی ہمدردی اور خراب صحت کی بنیاد پر رہا کرنے کا فیصلہ کیا۔ اس کے باوجود دشمن نے گذشتہ جمعے کو انہیں وصول کرنے سے انکار کر دیا۔‘

یہ بھی پڑھیں : غاصب صیہونی حکومت کے فوجی اڈوں پر فلسطینی استقامت کے حملے

حماس نے جمعے کو بھی دو امریکی خواتین قیدیوں کو رہا کر دیا تھا۔

امریکہ اور دنیا کے لوگوں پر یہ ثابت کرنے کے لیے کی گئی ہے کہ بائیڈن اور اس کی فاشسٹ حکومت ، قیدیوں کے ساتھ ناروا سلوک کے جو دعوے کر رہی ہے وہ جھوٹے اور بے بنیاد ہیں۔

اس حوالے سے قطر کی وزارت خارجہ کے ایک ترجمان نے جمعے کے روز کہا تھا کہ غزہ سے امریکی خواتین قیدیوں کی رہائی تمام فریقوں کے ساتھ ’کئی دنوں تک مسلسل رابطے میں رہنے‘ کے بعد ہوئی ہے۔

اسی تناظر میں فلسطین کی اسلامی مزاحمتی تحریک حماس کے سیاسی دفتر کے سربراہ خالد مشعل نے کہا ہے کہ اگر حالات موزوں اور مناسب ہوئے تو غزہ میں موجود تمام اسرائیلی شہریوں کو رہا کر دیا جائے گا۔

دوسری طرف صیہونی حکومت کی جیل میں تشدد کا نشانہ بننے والے حماس کے رہنما عمر دراغمہ شہید ہوگئے۔ دراغمہ کی شہادت کے اعلان کے بعد، غرب اردن کے علاقے طوباس کے عوام، ان کی شہادت پر احتجاج کے لیے سڑکوں پر آگئے۔