جنگی تیاریوں کو دو گنا کیا جائے گا، یمن کا بڑا اعلان

شیعیت نیوز: یمن کے وزیر دفاع کا کہنا ہے کہ ہم اپنی جنگی تیاریوں کو دوگنا کریں گے۔

یمن کے وزیر دفاع نے صنعا میں مسلح افواج کی فوجی پریڈ کی عظیم الشان تقریب میں شرکت کرتے ہوئے اس بات پر زور دیا کہ ملک کی فوج آنے والے دنوں اور ہفتوں میں اپنی جنگی تیاریوں کو دوگنا کرے گی۔

یہ بھی پڑھیں : بشار اسد کی چینی ہم منصب شی جن پنگ سے ملاقات

فارس نیوز کی رپورٹ کے مطابق، یمن کی قومی سالویشن حکومت کے وزیر دفاع محمد ناصر احمد العاطفی نے جمعرات 21 ستمبر کو مسلح افواج کی فوجی پریڈ میں شرکت کی اور صنعا میں یمنی عوامی انقلاب کی فتح کی نویں سالگرہ کے موقع پر خطاب کیا۔

یمن کی المسیرہ ویب سائٹ کے مطابق، انہوں نے بیان کیا کہ ہم یمن کے اندر اور باہر اپنے عوام سے کہتے ہیں کہ تاریخی اور قومی حقوق کے حصول کے لیے اس نازک مرحلے میں دشمنوں کے خلاف متحد ہو جائیں۔

ان کا کہنا تھا کہ صنعاء استحکام اور جدوجہد کا سرمایہ ہے اور یہ بات اعتماد کے ساتھ کہی جا سکتی ہے کہ یہ تبدیلیوں کا بوجھ اٹھانے والا ہے۔

یہ بھی پڑھیں : مصری سفیر کی روضہ مبارک حضرت عباس پہ حاضری/ اربعین انتظامات کو سراہا

یمن کے وزیر دفاع کا کہنا تھا کہ صنعا یمن اور خطے کے عوام کے لیے ایک نئی تاریخ رقم کر رہا ہے۔

انہوں نے کہا کہ ہمیں اپنی آنے والی نسلوں کے لیے قربانیاں دینی چاہئیں اور اس مرحلے کی نوعیت اور اپنے عوام کے خلاف دشمنوں کے منصوبوں اور سازشوں سے آگاہ رہنا چاہیے، ہم طاقتور ہیں اور ہم اپنے وجود کو عالمی سطح تک پہنچا سکتے ہیں۔