امریکہ کے ساتھ قیدیوں کے تبادلے میں 5 ایرانی قیدیوں کی رہائی کی تصدیق اور ناموں کا اعلان

شیعیت نیوز: اقوام متحدہ میں ایرانی مندوب نے 5 ایرانی قیدیوں کی رہائی کی تصدیق کی جو غیر قانونی طور پر امریکی پابندیوں کی خلاف ورزی کے الزام میں زیر حراست ہیں، اور ان کے بدلے میں 5 امریکی قیدیوں کی رہائی کا اعلان کیا۔

ارنا کے نامہ نگار کے ساتھ گفتگو میں اقوام متحدہ میں ایران کے مندوب نے بتایا کہ کیا کہ قیدیوں کے تبادلے کے معاہدے میں 5 ایرانی قیدیوں کو جلد ہی رہا کر دیا جائے گا، ان میں سے کچھ امریکہ میں ہی رہیں گے اور کچھ۔ ایران واپس جائیں گے۔

کاوہ لطف اللہ افراسیابی امریکہ میں ان 5 غیر قانونی قیدیوں میں سے ایک ہیں جن پر امریکی میڈیا رپورٹس کے مطابق اٹامک پالیسی میں ایران اور امریکی حکام کے درمیان غیر ملکی لابیسٹ ہونے کا الزام ہے۔

یہ بھی پڑھیں : تہران ریلیز ہونے والے 6 بلین ڈالر اپنی منشا کے مطابق خرچ کرے گا، صدر رئیسی

امریکہ میں ایک اور غیر قانونی قیدی مہرداد انصاری پر میزائل ایپلی کیشنز، الیکٹرانک وارفیئر، جوہری ہتھیاروں اور دیگر فوجی پرزوں کے ساز و سامان خریدنے کا الزام ہے۔

ایک اور ایرانی قیدی امین حسن زادہ کو انجینئرنگ ڈیزائن کی چوری اور انہیں ایران بھیجنے کے الزام میں 2019 میں گرفتار کیا گیا تھا۔

امریکہ سے تعلق رکھنے والے غیر قانونی قیدی رضا سرہنگ پور پر لیبارٹری کا سامان غیر قانونی طور پر ایران بھیجنے کا الزام جبکہ ایک اور قیدی کامبیز عطار کاشانی، پر الیکٹرانک آلات اور سافٹ ویئر غیر قانونی طور پر ایران بھیجنے کا الزام ہے۔

امریکی قومی سلامتی کونسل کی ترجمان، ایڈرین واٹسن نے 10 اگست کو اعلان کیا کہ ہم تصدیق کرتے ہیں کہ ایران نے 5امریکیوں کو رہا کر دیا ہے جنہیں غیر قانونی طور پر حراست میں لیا گیا تھا اور انہیں گھروں میں نظر بند کر دیا گیا تھا۔

اگرچہ یہ ایک حوصلہ افزا قدم ہے، لیکن ان امریکی شہریوں کو، جن میں سیامک نمازی، مراد طاھباز، عماد شرقی اور دو امریکی شامل ہیں (جنہوں نے نام ظاہر نہیں کیا)، کو حراست میں نہیں لیا جانا چاہیے تھا۔