مذہبی تہوار مسجد اقصیٰ کو یہودیانے کا مکروہ اسرائیلی ہتھکنڈہ ہیں، عکرمہ صبری

شیعیت نیوز: مسجد اقصیٰ کے امام و خطیب اور ممتاز فلسطینی عالم دین الشیخ عکرمہ صبری نے کہا ہے کہ  قابض حکام یہودی تعطیلات اور مذہبی تہوار مسجد اقصیٰ پر یہودی اور تلمودی بیانیہ مسلط کرنے کے لیے ایک ہتھکنڈے کے طور پر استعمال کررہےہیں۔

مرکزاطلاعات فلسطین کودیے گئے ایک خصوصی بیان میں انہوں نے خبردار کیا کہ رواں ماہ انتہا پسند یہودی شرپسند  اپنے مذہبی ایام کے موقع پر مسجد اقصیٰ پر دھاوے بولیں گے۔

الشیخ عکرمہ صبری نے زور دے کر کہا کہ قابض صیہونی ریاست کی طرف سے یہودیوں کی مذہبی رسومات جیسے کہ پانچ گایوں کو لانا پروپیگنڈے کے ذریعے یہودیوں کی سب سے بڑی تعداد کو فلسطین میں لانے کی کوشش اور مسجد اقصیٰ پر یلغار  سے منع کرنے والے ربیوں کو بھی اپنے فتوے سے دستبردار ہونے پر راضی کرنا ہے۔

یہ بھی پڑھیں : مقبوضہ فلسطین کے ممتاز مذہبی رہنما الشیخ سامی عبدالطیف کو گولیاں مار کر شہید کردیا گیا

انہوں نے ان اقدامات کو تمام مسلمانوں کے لیے ایک صوتی تختہ قرار دیتے ہوئے دو ارب مسلمانوں سے مسجد اقصیٰ کے دفاع کی اپیل کی۔

انہوں نے کہا کہ دنیا کے دو ارب مسلمان  اب خاموشی توڑ دیں کیونکہ خاموشی کا کوئی جواز نہیں رہا۔

الشیخ عکرمہ صبری نے مسجد اقصیٰ سے ربط مضبوط بنانے  اور الاقصیٰ میں یہودیت کے حقائق مسلط کرنے کی کوششوں کو ناکام بنانے کے لیے دن رات کام کرنے پر زور دیا۔

یہودیوں کی تعطیلات کا سب سے طویل سیزن آنے والے عرصے کے دوران بڑھے گا، جو اس سال 16 ستمبر اور اگلے سال 7 اکتوبر کے درمیان 22 دنوں تک جاری رہے گا۔

اس سیزن کا آغاز عبرانی نئے سال، ہفتہ اور اتوار، 16 اور 17 ستمبر سے ہوتا ہے۔ اس کے بعد نام نہاد ’’توبہ کے دس دن‘‘ ہوتے ہیں جس میں  مسجد اقصیٰ پر دھاوے تیز ہو جاتے ہیں۔