کوئٹہ، مجلس وحدت مسلمین کے رہنماؤں کی کور کمانڈر کوئٹہ سے ملاقات

شیعیت نیوز: مجلس وحدت مسلمین کے رہنماؤں پر مشتمل وفد نے زائرین کی سکیورٹی سے متعلق کور کمانڈر کوئٹہ میجر جنرل آصف غفور سے ملاقات کی۔

تفصیلات کے مطابق مجلس وحدت المسلمین پاکستان کراچی ڈویژن کے صدر علامہ محمد صادق جعفری کی سربراہی میں مرکزی سیکرٹری تنظیم علامہ مقصود علی ڈومکی، ایم ڈبلیو ایم بلوچستان کے صدر علامہ سید ظفر عباس شمسی، مجلس وحدت مسلمین کوئٹہ کے صدر ارباب لیاقت علی ہزارہ، عزاداری ونگ کراچی ڈویژن کے صدر سید رضی حیدر رضوی اور دیگر رہنماؤں نے کور کمانڈر ہاؤس کوئٹہ میں کور کمانڈر میجر جنرل آصف غفور سے ملاقات کی۔

یہ بھی پڑھیں : تہران میں شہید قائد علامہ عارف حسین الحسینی (رہ) کی برسی کی مناسبت سیمینار کا انعقاد

اس موقع پر انہوں نے کوئٹہ بلوچستان کی امن و امان کی صورت حال بلخصوص کوئٹہ سے تفتان بارڈر تک زائرین کے لئے سکیورٹی کے فل پروف انتظامات پر بات چیت کی۔

کور کمانڈر کوئٹہ نے اپنی جانب سے تعاون کی یقین دہانی کرائی۔ ملاقات میں پاک فوج کے دیگر افسران بھی موجود تھے۔