یمن اور سعودی عرب کے درمیان بڑے پیمانے پر مارے جانے والے فوجیوں کی نعشوں کا تبادلہ

شیعیت نیوز: خبری ذرائع کا کہنا ہے کہ انصاراللہ اور سعودی اتحاد سے وابستہ 52 فوجیوں کی نعشوں کا تبادلہ ہوا ہے۔

اسپوتنک کی رپورٹ کے مطابق انصاراللہ اور سعودی اتحاد نے ایسے 52 فوجیوں کی نعشوں کا تبادلہ کیا ہے جو سرحدی صوبہ الجوف میں سعودی عرب کے ساتھ جھڑپوں میں اپنی جان سے ہاتھ دھو بیٹھے تھے۔

یہ بھی پڑھیں : حضرت امام علی موسی رضا علیہ السلام کی سیرت

یمن کے قیدیوں کے امور کی کمیٹی کے سربراہ عبدالقادر المرتضی نے کہا ہے کہ یمن کی نیشنل سالویشن کی حکومت سعودی عرب کے ساتھ تمام قیدیوں کا تبادلہ کرنے کے لئے تیار ہے۔

صنعا اور ریاض کے درمیان طے پانے والے معاہدے کے تحت مجموعی طور پر نو سو قیدیوں کے تبادلہ کا آغاز گزشتہ ماہ سے شروع ہوا اور قیدیوں کے تبادلے کو اس معاہدے کے فریقین کے درمیان مستقل جنگ بندی اور جنگ کے خاتمے کے لیے ٹھوس مذاکرات کا نقطہ آغاز قرار دیا جارہا ہے۔

یہ بھی پڑھیں : ایم ڈبلیوایم لیگل ونگ نے امام مہدیؑ کی شان میں بدترین گستاخی کے مرتکب ملعون احسن باکسرکےخلاف مقدمہ درج کروادیا

چند ہفتے پہلے سعودی عرب کے نمائندہ وفد اور یمن کی نیشنل سالویشن حکومت کے درمیان مذاکرات کے بعد سے اب تک سیکڑوں قیدیوں کو رہا بھی کیا جاچکا ہے۔

یاد رہے کہ صنعا میں موجود انسانی حقوق کی تنظیموں نے پریس کانفرنس کے دوران سعودی اتحاد کی جیلوں میں قیدیوں کے ساتھ نامناسب سلوک کے بارے میں انکشاف کرتے ہوئے کہا تھا کہ سعودی اتحاد کی جانب سے اغوا کئے گئے 1200 بے گناہ شہریوں میں سے 256 رہا ہوگئے ہیں۔ مغویوں میں سے اکثر کو مارب کی جیلوں میں رکھا گیا ہے۔