صیہونی حکومت زوال اور تباہی کی جانب گامزن ہے ، سردار اسماعیل قاانی

شیعیت نیوز: سپاہ پاسداران انقلاب اسلامی کی قدس فورس کے کمانڈر سردار اسماعیل قاانی نے 4 تاریخ کو یوم دفاع کے موقع پر اس بات پر زور دیا کہ دزفول شہر کی قدر استحکام اور مزاحمت جیسی جہتیں رکھتی ہے۔

سپاہ پاسداران انقلاب اسلامی کے قدس فورس کے کمانڈر انچیف سردار اسماعیل قاانی نے ایران کے جنوبی شہر دزفول میں ایک تقریب کے موقع پر کہا کہ نہ کسی دور میں استقامتی محاذ کی ایسی کامیابیوں اور طاقت کا مشاہدہ ہوا ہے نہ ہی صیہونی حکومت کو کبھی ایسی ذلت اور خواری کا سامنا کرنا پڑا ہے۔

جنرل اسماعیل قاآنی نے زور دیکر کہا کہ آج صیہونی حکومت تیز رفتاری کے ساتھ زوال اور تباہی کی جانب بڑھ رہی ہے ۔

انہوں نے اپنے خطاب میں کہا کہ فلسطینیوں کی صیہونی مخالف کارروائیوں کی تعداد روزانہ تیس تک پہنچ چکی ہے جو کہ ایرانی عوام کے استقامت کے جذبے کا تسلسل ہے۔

یہ بھی پڑھیں : فرانس شام میں اپنے اہداف حاصل کرنے میں ناکام رہا ہے، شامی وزارت خارجہ

دزفول مزاحمتی دن کے موقع پر سردار اسماعیل قاانی نی نے کہا کہ مزاحمت نظریاتی جڑیں رکھتی ہے اور ایرانی شہر دزفول ااس کی اعلیٰ مثال ہے۔

دزفول کے لوگوں کی سخت مزاحمت اور ان کا شہر خالی نہ کرنے پر اصرار، دیزفل کے جوانوں کی جنگی محاذوں پر وسیع پیمانے پر موجودگی ایسے حالات میں کہ جب شہر مسلسل گولہ باری کی زد میں تھا اور دشمن کے ہوائی اور میزائل حملے ان میں شامل ہیں۔

اس تقریب کے دوران سپاہ پاسداران انقلاب اسلامی کی بحریہ کے کمانڈر ایڈمیرل علی رضا تنگسیری نے بھی علاقے کے حالات پر روشنی ڈالتے ہوئے کہا کہ ایران اور علاقے کے ممالک ہی خلیج فارس کی سلامتی کی ضمانت فراہم کرسکتے ہیں اور غیرعلاقائی طاقتوں کی موجودگی کی ضرورت نہیں ہے۔

ایڈمیرل علی رضا تنگسیری نے کہا کہ ملت ایران دشمنوں کے مقابلے میں باوقار اور ثابت قدمی کے ساتھ ڈٹی ہوئی ہے اور دشمنوں کو جان لینا چاہئے کہ اگر سمندروں میں ایران کے مفادات کو نشانہ بنانے کی کوشش کی گئی تو ہمارا جواب فیصلہ کن اور دنداں شکن ہوگا۔