غرب اردن میں صیہونی قابض فوج کی فائرنگ سے دو فلسطینی شہید

شیعیت نیوز: صیہونی قابض فوج نے غرب اردن میں گولیاں مار کردو فلسطینیوں کو شہید اور چار کو زخمی کردیا۔ جبکہ فلسطینی مجاہدین نے غزہ پر پچھلے کئی دنوں سے جاری صیہونی حکومت کے وحشیانہ حملوں کا جواب دینے کے ساتھ ساتھ غرب اردن کے شہروں جنین اور نابلس میں بھی صیہونیوں کے حملوں کا ڈٹ کر مقابلہ کیا ہے۔

آج ہفتہ کی صبح شمالی مقبوضہ مغربی کنارے میں واقع نابلس کے مشرق میں واقع بلاطہ پناہ گزین کیمپ پر حملہ کیا گیا، جب کہ مزاحمتی کارکنوں نے صیہونی قابض فوج کو کیمپ میں گھسنے سے روک دیا۔ اسرائیلی فوج نے فلسطینی نوجوانوں کو گرفتار کرنے کی کوشش کی تاہم فلسطینی نوجوان گرفتاری سے بچنے میں کامیاب ہوگئے۔

فلسطین کی جمعیت ہلال احمر نے بھی ان دونوں فلسطینیوں کی شہادت کی تصدیق کردی ہے۔

یہ بھی پڑھیں : طالبان افغانستان میں خواتین کے حقوق کا پاس رکھے، چین کا مطالبہ

وزارت صحت نے بتایا کہ نوجوان 32 سالہ سعید جہاد شاکر مشہ اور نوجوان عدنان وسیم یوسف العراج (19 سال) سر میں گولیاں مار کر شہید کردیا۔ نابلس میں بلاطہ پناہ گزین کیمپ میں جارحیت کے دوران گولیاں مار کر تین فلسطینی زخمی کیے۔

تفصیلات کے مطابق ہفتے کے روز صیہونی قابض فوج نے فلسطینی مزاحمت کاروں کے ساتھ پرتشدد جھڑپوں کے درمیان نابلس کے مشرق میں واقع بلاطہ پناہ گزین کیمپ پر دھاوا بولنے کے بعد ایک مکان کو گھیرے میں لے لیا۔

عینی شاہدین نے بتایا کہ صہیونی اسپیشل فورسز نے کیمپ کے وسط میں الجماسین محلے میں ایک مکان کو گھیرے میں لے لیا۔

مزاحمتی کارکنوں کی قابض افواج کے ساتھ جھڑپ ہوئی۔ اسرائیلی فوج نے بلطہ میں فلسطینی نوجوانوں کو گرفتار کرنے کی کوشش کی۔

بلاطہ کیمپ میں سڑکوں اور شہریوں کے گھروں پر اسرائیلی فوج کی بھاری نفری تعینات کی گئی۔

جنین میں بھی فلسطینی مجاہدین اور صیہونی فوجیوں کے درمیان شدید مسلحانہ جھڑپ ہوئی ہے ۔

فلسطینی مجاہدین نے غزہ پر صیہونی فوج کے حملوں کے جواب میں غزہ سے ملحقہ غیر قانونی بستیوں میزائلوں اور راکٹوں سے حملہ کیا ۔