ایران سے یمن کے بارے میں ثالثی کردار اداکرنے کیلیے سعودی عرب کی اپیل

شیعیت نیوز: ایک یمنی میڈیا نے اعلان کیا ہے کہ سعودی وزیر خارجہ فیصل بن فرحان اور ان کے ایرانی ہم منصب حسین امیر عبداللہیان کے درمیان ہونے والی فون کال میں ریاض نے تہران سے صنعاء کے معاملے میں ثالثی کردار کرنے کی اپیل کی۔

ایک یمنی میڈیا نے کہا کہ سعودی وزیر خارجہ فیصل بن فرحان اور ان کے ایرانی ہم منصب حسین امیر عبداللہیان کے درمیان ہونے والی فون کال میں ریاض نے تہران سے صنعاء کے بارے میں ثالثی کی درخواست کی۔

الخبر الیمنی نیوز سائٹ نے رپورٹ کی ہے کہ اس فون کال میں بن فرحان نے ایران سے مطالبہ کیا ہے کہ وہ سعودی عرب اور صنعاء کی حکومت کے درمیان کشیدگی کی کمی کیلیے ثالثی کردار ادا کرے۔

اس نیوز سائٹ کی رپورٹ کے مطابق سعودی عرب کا یہ اقدام یمن پر ریاض کی سربراہی میں عرب اتحاد کے حملے کی نویں برسی کے موقع پر صنعاء کی جانب سے دہمکی کے نتائج کی خوف سے ہے ۔

خاص طور پر یہ کہ صنعاء کی حکومت نے گزشتہ دنوں سرحدی صوبے جوف میں فوجی مشقوں کے انعقاد کا اعلان کیا ہے۔

یہ بھی پڑھیں : افغانستان کی لیتھیم کانیں عالمی سرمایہ کاروں کی توجہ کا مرکز

دوسری جانب ایک مغربی اخبار نے عید الفطر کی چھٹی کے بعد سعودی وزیر خارجہ کے دورہ شام کے امکان کی خبر دی ہے۔

وال سٹریٹ جرنل نے خبر دی ہے کہ سعودی وزیر خارجہ فیصل بن فرحان کا عید الفطر کی چھٹیوں کے بعد شام کا سفر کرنے کا امکان ہے۔

اس رپورٹ کے مطابق اگر دمشق اور ریاض سرکاری معاہدے پر پہنچ جاتے ہیں تو عرب ممالک میں شام کی واپسی اور اس ملک کی تعمیر نو کا محور عرب ممالک کے سربراہان کے اجلاس کے ایجنڈے میں ہوگا۔

قبل ازیں سعودی عرب کی وزارت خارجہ کے ایک ذریعے نے ریاض اور دمشق کے درمیان سفارتی تعلقات کی بحالی کے بارے میں مشاورت سے متعلق شائع ہونے والی خبر کی تصدیق کی تھی۔