لحج میں اسکول اور المخا بندرگاہ پر سعودی بمباری، ایک یمنی شہری شہید

شیعیت نیوز : یمن کے مختلف صوبوں صعدہ، لحج اور تعز میں منگل کے روز سعودی جارحیت میں شدت آ گئی، جس کے نتیجے میں ایک یمنی شہری شہید اور متعدد زخمی ہو گئے، جبکہ ایک اسکول، ایک بندرگاہ اور مختلف رہائشی علاقوں کو نشانہ بنایا گیا۔

صوبہ لحج میں سعودی رجیم کے جنگی طیاروں نے ضلع المقاطرہ کے علاقے زریقۃ الشام میں واقع قور کے الروضہ اسکول کو نشانہ بنایا، جو ایک شہری تعلیمی ادارہ ہے اور اس حملے سے علاقے میں تعلیمی عمل کی سلامتی خطرے میں پڑ گئی ہے۔

صوبہ تعز میں آل سعود کے جنگی طیاروں نے ضلع المخا پر حملوں کا سلسلہ جاری رکھا اور المخا بندرگاہ سمیت ضلع کے مختلف علاقوں کو نشانہ بنایا، جبکہ ساحلی شہر المخا کے محلہ الحالی میں ایک شہری کے گھر پر بمباری سے ایک شہری شہید اور تین زخمی ہو گئے۔

یہ بھی پڑھیں : سعودی جارحیت جاری، صعدہ میں ایک خاندان کے شہداء کی تعداد 8 ہو گئی

صوبہ صعدہ کے سرحدی ضلع شدا میں سعودی فائرنگ سے ایک شہری زخمی ہو گیا، جبکہ ضلع الظاہر میں سعودی راکٹ حملے میں ایک اور شہری زخمی ہوا۔

یمنی حلقوں کا کہنا ہے کہ اسکول، بندرگاہ اور رہائشی علاقوں کو نشانہ بنانا بین الاقوامی انسانی قانون کی سنگین خلاف ورزی ہے، اور سعودی جارحیت کے 12 برسوں کے دوران تعلیمی اداروں کو بار بار نشانہ بنا کر یمنی بچوں کو تعلیم کے حق سے محروم کیا جاتا رہا ہے۔