متنازعہ نصاب تعلیم اور متنازعہ ترمیمی بل ریاستی اداروں میں موجود کالی بھیڑوں کی فرقہ وارانہ سوچ کا عکاس ہے،علامہ مقصودڈومکی

شیعیت نیوز: مجلس وحدت مسلمین پاکستان کے مرکزی رہنما سابق صوبائی وزیر قانون آغا سید محمد رضا مرکزی سیکرٹری تنظیم علامہ مقصود علی ڈومکی صوبائی صدر علامہ سید ظفر عباس شمسی نے روجھان جمالی میں تحصیل صدر مجلس وحدت مسلمین شھزادو خان دشتی کی رہائش گاہ پر تقریب سے خطاب کیا اور متاثرین سیلاب میں عید گفٹ تقسیم کئے۔

یہ بھی پڑھیں: شہید ڈاکٹر محمد علی نقوی ؒ کی 28ویں برسی کی تقریبات، شاندار خراج تحسین پیش کیا گیا

اس موقع پر گفتگو کرتے ہوئے آغا سید محمد رضا نے کہا کہ مجلس وحدت مسلمین نے قائد شہید علامہ عارف حسین الحسینی رحمۃ اللہ علیہ کی جدوجہد کو آگے بڑھایا اور پاکستان میں تشیع کی سیاسی شناخت اور انقلابی سوچ کو پروان چڑھایا۔اس موقع پر گفتگو کرتے ہوئے علامہ مقصود علی ڈومکی نے کہا کہ متنازعہ نصاب تعلیم اور متنازعہ ترمیمی بل ریاستی اداروں میں موجود کالی بھیڑوں کی فرقہ وارانہ سوچ کا عکاس ہے۔ جو ایک مرتبہ پھر وطن عزیز پاکستان کو فرقہ وارانہ نفرتوں کی جانب دھکیلنا چاہتے ہیں عوامی شعور و بیداری سے خائف قوتیں فرقہ واریت کے نام پر تفرقے کو ہوا دے رہی ہیں۔اس موقع پر گفتگو کرتے ہوئے علامہ سید ظفر عباس شمسی نے کہا کہ متنازعہ بل کی کوئی قانونی حیثیت نہیں مجلس وحدت مسلمین ملت جعفریہ کے حقوق کی محافظ ہے۔